Categories: Kerala

കോവിഡ് പ്രതിരോധ പ്രവർത്തനങ്ങളിൽ വീരഗാഥ രചിച്ച് കോട്ടപ്പുറം സമരിറ്റൻസ്

ആരെയും ബുദ്ധിമുട്ടിക്കാതിരിക്കാൻ കൂടുതൽ പി.പി.ഇ. കിറ്റുകൾ സംഘടിപ്പിക്കുവാനുള്ള വഴികൾ അന്വേഷിച്ചു കൊണ്ടിരിക്കുകയാണ് ഈ സംഘം...

ബിബിൻ ജോസഫ്

കോട്ടപ്പുറം: കോവിഡ് പ്രതിരോധ പ്രവർത്തനങ്ങളിൽ വീരഗാഥ രചിച്ച് കോട്ടപ്പുറം സമരിറ്റൻസ്. കോവിഡ് പ്രതിരോധ പ്രവർത്തനങ്ങളിൽ കോട്ടപ്പുറം രൂപതാ പരിധിയിലുള്ള നാനാജാതിമതസ്ഥരായ ആളുകൾക്ക് സഹായമാവുകയാണിവർ. പരസഹായം ആവശ്യമുള്ള രോഗികളെ ടെസ്റ്റിനായി കൊണ്ടുപോകുവാനും, കോവിഡ് ബാധിച്ച് മരണപ്പെട്ടവരെ സംസ്കരിക്കുന്നതിനുള്ള സഹായങ്ങൾ ചെയ്യുവാനും, വീടുകളിൽ നിരീക്ഷണത്തിൽ കഴിയുന്നവർക്ക് വേണ്ട സഹായങ്ങൾ എത്തിക്കുവാനും ഒരു വിളിപ്പാടകലെ സദാസന്നദ്ധരായി ഇവരുണ്ട്. അങ്ങനെ ഈ കോവിഡ് കാലത്ത് ഭയവും, വീട്ടിലെ പ്രായമായവരെയും കുട്ടികളെയുമോർത്തുള്ള ആശങ്കയും നിലനില്‍ക്കുമ്പോള്‍ മാതൃകയാവുകയാണ് കോട്ടപ്പുറം സമരിറ്റൻസ്.

അതുപോലെതന്നെ, സുരക്ഷയ്ക്കായി ഉപയോഗിക്കുന്ന പി.പി.ഇ. കിറ്റുകളുടെ വില രോഗികളിൽ നിന്നും, മരിച്ച രോഗികളുടെ ബന്ധുക്കളിൽ നിന്നും ഇടാക്കാൻ ഹെൽത്ത് ഡിപ്പാർട്ട്മെന്റ് നിർദ്ദേശിക്കുന്ന സാഹചര്യത്തിൽ അവരെ ബുദ്ധിമുട്ടിക്കാതെ കെ.സി.വൈ.എം., കേരള സര്‍വ്വീസ് ഫോറം തുടങ്ങിയ ചില സംഘടനകൾ കൈമാറിയ പരിമിതമായ കിറ്റുകൾ ഉപയോഗിച്ചാണ് ഇവർ പ്രതിരോധ പ്രവർത്തനങ്ങളിൽ പങ്കാളികളാകുന്നത്. ആരെയും ബുദ്ധിമുട്ടിക്കാതിരിക്കാൻ കൂടുതൽ പി.പി.ഇ. കിറ്റുകൾ സംഘടിപ്പിക്കുവാനുള്ള വഴികൾ അന്വേഷിച്ചു കൊണ്ടിരിക്കുകയാണ് ഈ സംഘം. കോവിഡ് രോഗികളും കോവിഡ് മരണങ്ങളും കൂടി വരുന്ന ഈ സാഹചര്യത്തിൽകൂടുതൽ സുരക്ഷാ കിറ്റുകൾ അത്യാവശ്യമായിരിക്കുകയാണ്.

കോട്ടപ്പുറം ഇന്റെഗ്രേറ്റഡ് ഡെവലപ്മെന്റ് സൊസൈറ്റി (കിഡ്സ്) ഡയറക്ടറായ ഫാ.പോൾ തോമസിന്റെ നേതൃത്വത്തിലുള്ള ഒരു കൂട്ടം വൈദികരും വിശ്വാസികളും അടങ്ങുന്ന സംഘമാണ് കോട്ടപ്പുറം സമരിറ്റൻസ്. ഫാ.ഡയസ്സ്, ഫാ.നീല്‍, ഫാ.ഡെന്നീസ്, ഫാ.നോയല്‍, ഫാ.ബിജു പാലപ്പറമ്പില്‍, ഫാ.ഷിനു, ഫാ.ഷിജു, ഫാ.സിബിന്‍, സെബാസ്റ്റ്യന്‍, ആമോസ്, ജിതിന്‍, ആന്റെണി, ജോജി, ഷെറിന്‍, ജില്‍ജു തുടങ്ങി ഒത്തിരിപ്പേര്‍ സജീവമായി പ്രവര്‍ത്തനരംഗത്തുണ്ട്.

vox_editor

Recent Posts

ഭാരതത്തിന് പുതിയ വത്തിക്കാൻ സ്ഥാനപതി

ജോസ് മാർട്ടിൻ ന്യൂഡൽഹി: ഇന്ത്യയിലെ പുതിയ അപ്പസ്തോലിക് ന്യൂൺഷ്യോയായി (വത്തിക്കാൻ സ്ഥാനപതി) ആർച്ച് ബിഷപ്പ് വാൾഡെമാർ സ്റ്റാനിസ്ലാവ് സൊമ്മർടാഗിനെ 2026…

1 day ago

33rd Sunday_2026_താലന്തുകളുടെ ഉപമ (മത്താ 25:14-30)

ആണ്ടുവട്ടത്തിലെ മുപ്പത്തിമൂന്നാം ഞായർ ദൈവത്തിന് മനുഷ്യരോടുള്ള വിശ്വാസത്തിൽ നിന്നാണ് വിശുദ്ധഗ്രന്ഥം ആരംഭിക്കുന്നത്. എല്ലാം അവന്റെ കരങ്ങളിൽ ഏൽപ്പിച്ചിട്ട് നടന്നുനീങ്ങുന്ന ദൈവത്തിന്റെ…

2 days ago

32nd Sunday_2026_രാത്രിയുടെ അന്ത്യത്തിൽ ഒരു ആലിംഗനം (മത്താ 25: 1-13)

ആണ്ടുവട്ടത്തിലെ മുപ്പത്തിരണ്ടാം ഞായർ പത്ത് കന്യകമാരുടെ ഉപമയാണ് ഇന്നത്തെ ധ്യാനവിഷയം. ഈ ഉപമയിലെ കഥാപാത്രങ്ങളിൽ ആരും തന്നെ പൂർണമായും മാതൃകാപരമായവരല്ല.…

1 week ago

12 വർഷത്തെ കാത്തിരിപ്പിന് വിരാമം എൽ.എൽ.എം. പ്രവേശനത്തിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് 3 ശതമാനം സംവരണം.

ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…

2 weeks ago

All Saints Day_2026_യേശുവിന്റെ സ്വപ്നം: വിശുദ്ധി (മത്താ 5:1-12)

സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…

2 weeks ago

പാറേൽ പള്ളിക്ക്‌ ബസിലിക്ക പദവി

ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…

2 weeks ago