മൂന്നാംപീടിക വിശുദ്ധ അന്തോനീസിന്റെ തിരുനാൾ ഉത്സവത്തിന് കൊടിയേറി
ദിവസവും വൈകിട്ട് 5-ന് ജപമാലയും, ദിവ്യബലിയും, നൊവേനയും, നേർച്ച വിതരണവും...
സ്വന്തം ലേഖകൻ
കണ്ണൂർ: പ്രാർത്ഥനാ നിരതമായ ദിനങ്ങൾക്ക് മെഴുകുതിരി തെളിയിച്ചുകൊണ്ട് ഭക്തിയുടെയും വിശ്വാസത്തെയും നിറവിൽ മൂന്നാം പീടിക വിശുദ്ധ അന്തോണീസ് തിരുനാൾ ഉത്സവത്തിന് തുടക്കം കുറിച്ചു കൊണ്ട് ഇടവക വികാരി മോൺ.കമന്റ് ലെയ്ഞ്ചൻ കൊടിയേറ്റി. തുടർന്ന്, ആഘോഷമായ ദിവ്യബലിക്കും, നോവേനക്കും ഫാ.ജിനോ ചക്കാലക്കൽ മുഖ്യകാർമികത്വം വഹിച്ചു.
ദിവസവും വൈകിട്ട് 5-ന് ജപമാല, ദിവ്യബലി, നൊവേന, നേർച്ച വിതരണം എന്നിവ നടക്കും. 19-ന് തിരുനാൾ ദിനത്തിൽ വൈകിട്ട് 5.30-ന് കണ്ണൂർ രൂപത ബിഷപ്പ് ഡോ. അലക്സ് വടക്കുംതലയുടെ മുഖ്യകാർമികത്വത്തിൽ ആഘോഷമായ സമൂഹബലിയും, തുടർന്ന് നൊവേനയും നേർച്ച വിതരണവും ഉണ്ടായിരിക്കും.
26-ന് നടക്കുന്ന എട്ടാമിടത്തിന് ലത്തീൻ ഭാഷയിലുള്ള ആഘോഷമായ ദിവ്യബലിയ്ക്ക് ഫാ. ബെനഡിക്റ്റ് അറക്കൽ മുഖ്യകാർമികത്വം വഹിക്കും. ഫാ. സാമുവൽ, ഫാ. ജോർജ് ജെറി, ഫാ. ജോ ബോസ്കോ തുടങ്ങിയവർ വിവിധ ദിവസങ്ങളിൽ കാർമികത്വം വഹിക്കും.
അസിസ്റ്റന്റ് വികാരിമാരായ ഫാ. തങ്കച്ചൻ ജോർജ്, ഫാ. റിജിഷ്, ആഘോഷകമ്മിറ്റി ജനറൽ കൺവീനർ ആന്റണി നൊറോണ, പാരിഷ് കൗൺസിൽ സെക്രട്ടറി ആൽഫ്രെഡ് സെൽവരാജ്, രതീഷ് ആന്റണി, റേഡ്ണി കാസ്റ്റ്ലിനോ, ജോയ് പീറ്റർ, റിനേഷ് ആന്റണി തുടങ്ങിയവരാണ് നേതൃത്വം നൽകുന്നത്.
കാത്തലിക് വോക്സിന്റെ വാട്സ്ആപ്പ് ഗ്രൂപ്പിൽ ചേരുവാനായി ക്ലിക്ക് ചെയ്യുക
Click to join Catholiocvox Whatsapp group