കമുകിന്കോട് വിശുദ്ധ അന്തോണീസ് ദേവാലയത്തില് 100 തീര്ഥാടകര് മുടി ദാനം ചെയ്ത് മാതൃകയായി
കമുകിന്കോട് വിശുദ്ധ അന്തോണീസ് ദേവാലയത്തില് 100 തീര്ഥാടകര് മുടി ദാനം ചെയ്ത് മാതൃകയായി
അനിൽ ജോസഫ്
ബാലരാമപുരം: കമുകിന്കോട് വിശുദ്ധ അന്തോണീസ് ദേവാലയത്തില് ലോകകാന്സര് ദിനത്തിനോടനുബന്ധിച്ച് 100 സ്ത്രീ തീര്ഥാടകര് അര്ബുദ രോഗികള്ക്കായി മുടി മുറിച്ച് നൽകി മാതൃകയായി. അടുത്ത ആഴ്ച്ച ആരംഭിക്കുന്ന തീര്ഥാടനത്തിന്റെ ഭാഗമായാണ് പരിപാടി സംഘടിപ്പിച്ചത്.
3 മാസങ്ങള്ക്ക് മുമ്പ് പേര് രജിസ്റ്റര് ചെയ്തവർക്കാണ് മുടി ദാനം ചെയ്യാനുളള അവസരമുണ്ടായത്. തൃശൂര് അമല കാന്സര് സെന്ററുമായി സഹകരിച്ചാണ് പരിപാടി സംഘടിപ്പിച്ചത്. 4 വര്ഷത്തിന് മുമ്പ് തിരുവനന്തപുരം മെഡിക്കല്കേളേജിന്റെ സഹകരണത്തോടെ ആരംഭിച്ച ‘രക്തദാന നേര്ച്ച പദ്ധതി’ എല്ലാ മാസവും പളളിയില് നടന്ന് വരികയാണ്.
ഇടവക വികാരി ഫാ.ജോയി മത്യാസ്, മുന് എംഎല്എ ആര്.സെല്വരാജ്, കെഎലസിഡബ്ല്യൂഎ സംസ്ഥാന ജനറല് സെക്രട്ടറി അല്ഫോണ്സ ആന്റില്സ്, ഫാ.അജി അലോഷ്യസ്, സഹവികാരി പ്രദീപ് ആന്റോ, കൗണ്സില് സെക്രട്ടറി ആനന്ദകുട്ടന് തുടങ്ങിയവര് പ്രസംഗിച്ചു. നിര്ദ്ധനരായ 32 കാന്സര് രോഗികള്ക്കുളള ധന സഹായം മന്ത്രി എംഎം മണി നിര്വ്വഹിച്ചു.
