നിഡ്‌സിന്റെ നേതൃത്വത്തില്‍ സ്വയം സഹായ സംഘങ്ങള്‍ വഴി കാര്‍ഷിക മേഖലക്ക്‌ 21 കോടി രൂപയുടെ വായ്‌പ വിതരണം ചെയ്തു
നിഡ്‌സിന്റെ നേതൃത്വത്തില്‍ സ്വയം സഹായ സംഘങ്ങള്‍ വഴി കാര്‍ഷിക മേഖലക്ക്‌ 21 കോടി രൂപയുടെ വായ്‌പ വിതരണം ചെയ്തു
സ്വന്തം ലേഖകന്‍
നെയ്യാറ്റിന്‍കര ; നെയ്യാറ്റിന്‍കര രൂപതയുടെ കീഴിലെ സാമൂഹ്യ സംഘടനയായ ഇന്റഗ്രല്‍ ഡവലപ്‌മെന്റ്‌ സൊസൈറ്റി (നിഡ്‌സ്‌) യുടെ നേതൃത്വത്തില്‍ കാര്‍ഷിക മേഖലക്ക്‌ ഉണര്‍വ്വ്‌ പകര്‍ന്ന്‌ കൊണ്ട്‌ 21 കോടി രൂപയുടെ വായ്‌പ്പകള്‍ വിതരണം ചെയ്തു. നെയ്യാറ്റിന്‍കര, നെടുമങ്ങാട്‌ , കാട്ടാക്കട താലൂക്കുകളില്‍ പ്രവര്‍ത്തിക്കുന്ന 3600 സ്വയം സഹായ സംഘങ്ങളില്‍ നിന്നും തെരെഞ്ഞെടുത്ത 1513 പേര്‍ക്കാണ്‌ വായ്‌പകള്‍ വിതരണം ചെയ്യ്‌തത്‌. ഗാര്‍ഹിക കൃഷിക്കും മട്ടുപ്പാവ്‌ കൃഷിക്കും നിരവധി അപേക്ഷകരാണ്‌ ഉണ്ടായിരുന്നത്‌. 4 ഘട്ടങ്ങളിലായാണ്‌ 21 കോടി രൂപ വിതരണം ചെയ്തത്. കൃഷിക്കും കൃഷിയിതര സംരഭങ്ങള്‍ക്കും നെയ്യാറ്റിന്‍കര രൂപതയും നിഡ്‌സും കുടുതല്‍ പ്രോത്‌സാഹനം നല്‍കുമെന്ന്‌ രൂപതാ വികാരി ജനറല്‍ മോണ്‍. ജി.ക്രിസ്‌തുദാസ്‌ പറഞ്ഞു. 5000രൂപ മുതല്‍ 40000 രൂപവരെയുളള വായ്‌പകളാണ്‌ വിതരണം ചെയ്തത് . കാത്തലിക്‌ സിറിയന്‍ ബാങ്കുമായി സഹകരിച്ചാണ്‌ വായ്‌പാ വിതരണം നടന്നത്‌. പരിപാടി കാത്തലിക്‌ സിറിയന്‍ബാങ്ക്‌ സോണല്‍ മാനേജര്‍ വര്‍ഗ്ഗീസ്‌ ഉദ്‌ഘാടനം ചെയ്തു. നിഡ്‌സ്‌ ഡയറക്‌ടര്‍ ഫാ. എസ്‌. എം. അനില്‍കുമാര്‍ മുഖ്യ സന്ദേശം നല്‍കി.
