UAE ലാറ്റിൻ ഡേ 2021 ആഘോഷിച്ചു
ഡിസംബർ 10 വെള്ളിയാഴ്ച ഓൺലൈൻ പ്ലാറ്റ്ഫോമിലൂടെയാണ് പരിപാടികൾ സംഘടിപ്പിച്ചത്...
സ്വന്തം ലേഖകൻ
ദുബായ്: “UAE ലാറ്റിൻ ഡേ 2021” KRLCC UAE യുടെ ആഭിമുഖ്യത്തിൽ സമുചിതമായി ആഘോഷിച്ചു. ഡിസംബർ 10 വെള്ളിയാഴ്ച ഓൺലൈൻ പ്ലാറ്റ്ഫോമിലൂടെയാണ് പരിപാടികൾ സംഘടിപ്പിച്ചത്. തിരുവനന്തപുരം അതിരൂപത സഹായ മെത്രാൻ അഭിവന്ദ്യ ക്രിസ്തുദാസ് പിതാവിന്റെ മുഖ്യകാർമികത്വത്തിൽ നടന്ന പൊന്തിഫിക്കൽ ദിവ്യബലിയോട് കൂടിയാണ് സമുദായ ദിനാഘോഷങ്ങൾക്ക് തുടക്കമായത്.
തുടർന്ന്, നടന്ന പൊതുസമ്മേളനം KRLCC യുടെയും KRLCBC യുടെയും പ്രസിഡന്റ് അഭിവന്ദ്യ ജോസഫ് കരിയിൽ പിതാവ് ഉദ്ഘാടനം ചെയ്തു. KRLCC ദുബായുടെ പ്രസിഡന്റ് ശ്രീ.മരിയദാസ് കെ. അധ്യക്ഷത വഹിച്ചു. ഡോ.ക്രിസ്റ്റി ഫെർണാണ്ടസ് IAS മുഖ്യപ്രഭാഷണവും, ബിഷപ്പ് പോൾ ഹിൻഡർ, ബിഷപ്പ് സെബാസ്റ്റ്യൻ തെക്കേതേച്ചേരിൽ, ബിഷപ്പ് വർഗീസ്‌ ചക്കാലക്കൽ, ബിഷപ്പ് സെൽവിസ്റ്റർ പൊന്നുമുത്തൻ, എന്നിവർ അനുഗ്രഹ പ്രഭാഷണവും നടത്തി. ഫാ. തോമസ് തറയിൽ, ഫാ.ലെനി കൊന്നുള്ളി, ഫാ.അലക്സ് വാച്ചാപ്പറമ്പിൽ, ഫാ.മെട്രോ സേവ്യർ, ശ്രീ.ജോസഫ് ജൂഡ്, ശ്രീ. ഷെറി ജെ തോമസ്, ശ്രീ. മാത്യു തോമസ്, ശ്രീ ബിബിൻ ജോസഫ്, ശ്രീ. സജീവ് ജോസഫ്, എന്നിവർ സംസാരിച്ചു.
KRLCC UAE യിലെ വിവിധ എമിറേറ്റുകളുടെ നേതൃത്വത്തിൽ വിവിധതരം കലാപരിപാടികളും ക്രമീകരിച്ചിരുന്നു.
