നെയ്യാറ്റിന്‍കര രൂപതയില്‍ ദൈവശാസ്‌ത്രജ്ഞരുടെ കൂട്ടായ്‌മ
നെയ്യാറ്റിന്‍കര രൂപതയില്‍ ദൈവശാസ്‌ത്രജ്ഞരുടെ കൂട്ടായ്‌മ
സ്വന്തം ലേഖകന്‍
കാട്ടാക്കട; നെയ്യാറ്റിന്‍കര രൂപതയിലെ ദൈവശാസ്‌ത്രജ്ഞരുടെ കൂട്ടായ്‌മ മാറനല്ലൂര്‍ സെന്റ്‌ വിന്‍സെന്റ്‌ സെമിനാരിയില്‍ നടന്നു. രൂപതയുടെ വൈദിക സന്യസ്‌ത ഫോറത്തിന്റെ നേതൃത്വത്തില്‍ വിവിധ വിഷയങ്ങളില്‍ ഉപരി പഠനം നേടിയിട്ടുളളവരും ദൈവശാസ്‌ത്ര വിഷയങ്ങളില്‍ പ്രഗൽഭരുമാണ്‌ കൂട്ടായ്‌മയില്‍ പങ്കെടുത്തത്‌.
മാറനല്ലൂര്‍ സെന്റ്‌ വിന്‍സെന്റ്‌ സെമിനാരിയില്‍ കൂടിയ യോഗത്തില്‍ റെക്‌ടര്‍ ഡോ.ടി. ക്രിസ്‌തുദാസ്‌ തോംസണ്‍ അധ്യക്ഷത വഹിച്ചു. നെയ്യാറ്റിന്‍കര രൂപതാ വികാരി ജനറല്‍ മോണ്‍. ജി.ക്രിസ്‌തുദാസ്‌ കൂട്ടായ്‌മ ഉദ്‌ഘാടനം ചെയ്തു. ആധുനിക ലോകത്തില്‍ പഠനത്തിന്റെ ആവശ്യകത മനസിലാക്കി വളരാനും വളര്‍ത്താനും കഴിയണമെന്ന്‌ വികാരി ജനറല്‍ പറഞ്ഞു.
മാധ്യമത്തിന്റെ ദൈവശാസ്‌ത്രവും ആധുനിക വാര്‍ത്താ വിനിമയ സംവിധാനങ്ങളും എന്ന പരിശുദ്ധ ബനഡിക്‌ട്‌ 16 ാമന്റെ മാധ്യമ ദിന സന്ദേശത്തിന്റെ അടിസ്‌ഥാനത്തില്‍ നെയ്യാറ്റിന്‍കര രൂപത അംഗവും റോമിലെ മാധ്യമ ശാസ്ത്ര ഗവേഷണ വിദ്യാർത്ഥിയുമായ ഫാ.ജസ്റ്റിന്‍ ക്ലാസ്‌ നയിച്ചു .
