സിസ്റ്റര്‍ ലിസ്മിക്ക് ഇന്ത്യാ ബുക്ക് ഓഫ് റെക്കോര്‍ഡ്
ആദ്യ കാമറാ നണ്‍ എന്ന വിശേഷണം അംഗീകരിച്ചാണ് പുരസ്ക്കാരം.
സ്വന്തം ലേഖകന്‍
തൃശൂര്‍ :ഭാരതത്തിലെ ആദ്യ കാമറാ നണ്‍ എന്ന് അറിയപെട്ടിരുന്ന സിസ്റ്റര്‍ ല്സ്മി സിഎംസി ക്ക് ഇന്ത്യാ ബുക്ക് ഓഫ് റെക്കോര്‍ഡ്. ഇന്ത്യയിലെ ആദ്യ കാമറാ നണ്‍ എന്ന വിശേഷണം അംഗീകരിച്ചാണ് പുരസ്ക്കാരം.
സാധാരണ ഈ പുരസ്കാരത്തിന് പങ്കെടുക്കുന്നയാള്‍ തന്നെ അപേക്ഷ അയക്കുകയാണ് പതിവെങ്കിലും സിസ്റ്റര്‍ ലിസ്മിയുടെ ഇ മെയിലേക്ക് പുരസ്കാരത്തിന് അപേക്ഷിക്കണമെന്ന അറിയിപ്പ് ഇന്ത്യാ ബുക്ക് ഓഫ് റെക്കോര്‍ഡ്സ് അധികൃതര്‍ അയക്കുകയും തുടര്‍ന്ന് സിസ്റ്റര്‍ അപേക്ഷിക്കുകയുമായിരുന്നു.
100 ലധികം ആല്‍ബങ്ങളും ഷോര്‍ട്ട് ഫിലുമുകളും ചിത്രീകരിച്ച് കൈയ്യടി നേടിയ സിസ്റ്ററിനെ വനിതാ ദിനത്തില്‍ കെസിബിസിയും ആദരിച്ചിരുന്നു. പുരസ്ക്കാരം സിസ്റ്ററിനെ തേടിയെത്തുമ്പോള്‍ സിഎംസി സഭയുടെ പ്രൊവിന്‍ഷ്യാള്‍ സിസ്റ്റര്‍ ക്രിസ്ലിനാണ് പുരസ്കാരം അണ്‍ ബോക്സ് ചെയ്തത്. സിസ്റ്ററിന്‍റെ കോണ്‍വെന്‍റ് സുപ്പീരിയറും കൗണ്‍സിലേഴ്സും സന്തോഷത്തില്‍ പങ്കെടുത്തു.
ഈയിടെ മഴവില്‍ മനേരമയിലെ പണംതരും പടം എന്ന പരിപാടിയിലും സിസ്റ്റര്‍ പങ്കെടുത്തിരുന്നു.
