Kerala
സിഎസ്‌ഐ പളളിക്ക്‌ നേരെയുളള ആക്രമണം അപലപനീയം ; നെയ്യാറ്റിന്‍കര ലത്തീന്‍ രൂപത
സിഎസ്‌ഐ പളളിക്ക്‌ നേരെയുളള ആക്രമണം അപലപനീയം ; നെയ്യാറ്റിന്‍കര ലത്തീന്‍ രൂപത
നെയ്യാറ്റിന്‍കര ; കുട്ടമല സി എസ്‌ ഐ പളളിക്ക്‌ നേരെയുണ്ടായ ആക്രമണം അപലപനീയമെന്ന്‌ നെയ്യാറ്റിന്‍കര ലത്തീന്‍ രൂപത. പളളിയുടെ അള്‍ത്താര തകര്‍ക്കപ്പെട്ട സംഭവം ഞെട്ടിക്കുന്നതാണ്‌ മത സൗഹാര്‍ദം നിലനില്‍ക്കുന്ന കേരളത്തില്‍ അക്രമങ്ങള്‍ അഴിച്ച്‌ വിടുന്ന വര്‍ഗ്ഗീയ ശക്‌തികളെ നിയമത്തിന്‌ മുന്നില്‍ ഉടൻ കൊണ്ടു വരണം .
വര്‍ഗ്ഗീയ ശക്‌തികള്‍ നാട്ടില്‍ വേരൂന്നത്‌ തടയാന്‍ സര്‍ക്കാര്‍ ഉണര്‍ന്ന്‌ പ്രവര്‍ത്തിക്കണമെന്നും മുഖ്യമന്ത്രി നേരിട്ട്‌ വിഷയത്തില്‍ ഇടപെടണമെന്നും രൂപത ആവശ്യപ്പെട്ടു. സിഎസ്‌ഐ സഭയുടെ പ്രതിഷേധങ്ങള്‍ക്ക്‌ രൂപതാ ഐക്യദാര്‍ഡ്യം പ്രഖ്യാപിക്കുന്നതായി നെയ്യാറ്റിന്‍കര രൂപതാ വികാരി ജനറല്‍ മോണ്‍.ജി .ക്രിസ്‌തുദാസ്‌ പറഞ്ഞു.
