ജോസ് മാർട്ടിൻ
ഫോർട്ട് കൊച്ചി: കേരളാ ലാറ്റിൻ കാത്തലിക് വിമൻസ് അസോസിയേഷൻ കൊച്ചി രൂപതാ സമിതിയുടെയും, സൊസൈറ്റി ഫോർ സോഷ്യൽ മിഷന്റെയും സംയുക്താഭിമുഖ്യത്തിൽ സംയോജിത ജൈവകാർഷിക പദ്ധതി ഉത്ഘാടനം ചെയ്തു. കൊച്ചി നസ്രത്ത് തിരുകുടുംബ ദേവാലത്തിൽ വച്ച് കൊച്ചി രൂപത വികാരി ജനറൽ മോൺ.പീറ്റർ ചടയങ്ങാടാണ് ഉത്ഘാടനകർമ്മം നിർവഹിച്ചത്.
ഫാ.സെബാസ്റ്റ്യൻ പുത്തൻപുരക്കൽ അദ്യക്ഷത വഹിച്ച ചടങ്ങിൽ കെ.എൽ.സി.ഡബ്ല്യൂ.എ. രൂപതാ പ്രസിഡന്റ് മെറ്റിൽഡ മൈക്കിൾ, സൊസൈറ്റി ഫോർ സോഷ്യൽ മിഷൻ പ്രസിഡന്റ് സ്വപ്ന പെട്രോണിസ് എന്നിവർ വിഷയം അവതരിപ്പിച്ചു. പരിപാടിക്ക് സിസി പുഷ്പി, ബേബി കണ്ണമാലി, ശോഭ ആന്റണി, ഷീബ ഹെൻട്രീ തുടങ്ങിയവർ നേതൃത്വം നൽകി.
