ശ്രീലങ്കൻ ജനതയുടെ വേദനയ്ക്കൊപ്പം അനുസ്മരണബലിയും ഐക്യദാർഢ്യ പ്രതിജ്ഞയും
ആലപ്പുഴ രൂപതാ കെ.എൽ.സി.എ. യുടെ നേതൃത്വത്തിൽ ശ്രീലങ്കൻ ജനതയ്ക്കായി
ജോസ് മാർട്ടിൻ
ആലപ്പുഴ: ആലപ്പുഴ രൂപതാ കെ.എൽ.സി.എ. (കേരളാ ലാറ്റിൻ കാത്തലിക് അസോസിയേഷൻ) യുടെ നേതൃത്വത്തിൽ ശ്രീലങ്കൻ ജനതയ്ക്കായി അനുസ്മരണ ബലിയും ഐക്യദാർഢ്യ പ്രതിജ്ഞയും നടത്തി. അർത്തുങ്കൽ ബസിലിക്കയിൽ വച്ചുനടന്ന സമൂഹ ദിവ്യബലിക്ക് കെ.എൽ.സി.എ. രൂപതാ ഡയറക്ടർ ഫാ.ബെർളി വേലിക്കകം മുഖ്യകാർമ്മികത്വം വഹിച്ചു. ബസലിക്ക റെക്ടർ ഫാ.ക്രിസ്റ്റഫർ എം അർദ്ധശേരിയിൽ, സഹ.വികാരി ഫാ.ജോബിൻ ജോസഫ് എന്നിവർ സഹകാർമ്മികർ ആയിരുന്നു.
ദിവ്യബലിക്ക് ശേഷം ഫാ.ബെർളി വേലിക്കകം തിരിതെളിയിച്ചു കൊണ്ട് പ്രതിജ്ഞാ പ്രാർത്ഥന ചൊല്ലികൊടുത്തു.
ഫോർട്ട് കൊച്ചി സൗദി ആരോഗ്യ മാതാ ദേവാലയത്തിൽ നടന്ന ദിവ്യബലിക്ക് ഫാ.സാംസൺ ആഞ്ഞിലിപറമ്പിൽ നേതൃത്വം നൽകി. കെ.എൽ.സി.എ. രൂപത പ്രസിഡൻറ് പി.ജി.ജോൺബ്രിട്ടോ, സെക്രട്ടറി ഈ.വി.രാജു, ട്രഷറർ ബിജു ജോസി, സാബു വി.തോമസ്, ജയൻ കുന്നേൽ, സന്തോഷ് കൊടിയനാട്, സൻസിലോ, ബിജു സേവ്യർ, തുടങ്ങിയവർ നേതൃത്വം നൽകി.