Diocese
ലോകത്തിലെ എല്ലാവര്‍ക്കും നല്‍കുന്ന സമാധാനത്തിന്‍റെ സന്ദേശമാണ് ക്രിസ്തുനാഥന്‍റെ ജനനം; ബിഷപ്പ് ഡോ.വിന്‍സെന്‍റ് സാമുവല്‍
ലോകത്തിലെ എല്ലാവര്‍ക്കും നല്‍കുന്ന സമാധാനത്തിന്‍റെ സന്ദേശമാണ് ക്രിസ്തുനാഥന്‍റെ ജനനം; ബിഷപ്പ് ഡോ.വിന്‍സെന്‍റ് സാമുവല്‍
അനിൽ ജോസഫ്
നെയ്യാറ്റിന്‍കര: ഈ ലോകത്തിലെ എല്ലാവര്‍ക്കും സമാധാനം പകര്‍ന്നു തരുന്ന സന്ദേശമാണ് ക്രിസ്തുനാഥന്‍റെ ജനനം. നെയ്യാറ്റിൻകര അമലോത്ഭവമാതാ കത്തീഡ്രലില്‍ ക്രിസ്മസ് പാതിരാകുര്‍ബാനക്ക് മുഖ്യകാര്‍മ്മികത്വം നല്‍കി വചന സന്ദേശം നല്‍കുകയായിരുന്നു ബിഷപ്പ്.
ദൈവം മനുഷ്യനായി പിറന്നു എന്ന സദ്വാര്‍ത്ത സകല മനുഷ്യര്‍ക്കും സന്തോഷത്തിന്‍റെ സദ്വാര്‍ത്തയാണ്. ദൈവം മനുഷ്യനായി പിറന്നത് നമുക്ക് സ്നേഹവും കാരുണ്യവും പകര്‍ന്ന് നമ്മെ അവിടുത്തെ രക്ഷാകരദൗത്യത്തില്‍ പങ്കാളികളാക്കാനാണെന്നും ബിഷപ്പ് കൂട്ടിച്ചേര്‍ത്തു. ദൈവം തരുന്ന വലിയ സ്നേഹത്തിന് നമുക്ക് നന്ദിയുളളവരായിരിക്കാമെന്നും ബിഷപ്പ് പറഞ്ഞു.
രൂപതാ റീജിയന്‍ കോ- ഓർഡിനേറ്ററും ഇടവക വികാരിയുമായ മോണ്‍.വി പി. ജോസ് സഹകാര്‍മ്മികത്വം വഹിച്ചു.
