ഉണ്ടന്‍കോട്‌ ; ലഹരി ഉപയോഗത്തിനെതിരെ ബേധവല്‍ക്കരണവുമായി ആനപ്പാറ ഹോളി ക്രോസ് ദൈവാലയം .നാടിനെ നശിപ്പിക്കുന്ന മാരക രോഗമായി മാറിക്കൊണ്ടിരിക്കുന്ന ലഹരിക്കെതിരെ ഹൈസ്‌കൂളിന്‌ മുകളിലുളള കുട്ടികള്‍ക്കും മാതാപിതാക്കള്‍ക്കുമാണ്‌ ബോധവല്‍ക്കരണ ക്ലാസ്‌ സംഘടിപ്പിച്ചത്‌.
വളര്‍ന്ന്‌ വരുന്ന തലമുറയില്‍ ലഹരി ഉപയോഗം കുറക്കുന്നതിനും യുവാക്കളിലെ ലഹരി ഉപയോഗം പ്രാരംഭ ഘട്ടത്തില്‍ തന്നെ കണ്ടെത്തി നിയന്ത്രിക്കുന്നതിനും സാധിക്കണമെന്ന്‌ കെസിവൈഎം നെയ്യാറ്റിന്‍കര രൂപതാ ഡയറക്‌ടറും ഇടവക വികാരിയുമായ ഫാ.ഷാജി ഡി സാവിയോ പരിപാടി ഉദ്‌ഘാടനം ചെയ്തു.
ഡെയ്‌ല്‍വ്യൂ ഡി അഡിഷന്‍ സെന്ററിലെ കൗണ്‍സിലര്‍ അലക്‌സ്‌ ബോധവല്‍ക്കരണ ക്ലാസിന്‌ നേതൃത്വം നല്‍കി . 150-ലധികം മതബോധന വിദ്യാര്‍ത്ഥികളും രക്ഷാകര്‍ത്താക്കളും പരിപാടിയില്‍ പങ്കെടുത്തു.
