സാന്തിയാഗോ: ലാറ്റിനമേരിക്ക
യിലെ ആദിവാസികളെ കേൾക്കാനും അവരുടെ സംസ്കാരത്തെ മാനിക്കാനും രാഷ്‌ട്രീയ നേതൃത്വങ്ങൾ തയാറാകണമെന്
ന് ഫ്രാൻസിസ് മാർപാപ്പ ആവശ്യപ്പെട്ടു.
ഇന്നലെ ചിലി സന്ദർശനത്തിനു തുടക്കം കുറിച്ചു സംസാരിക്കുകയായിരുന്നു അദ്ദേഹം.
തൊഴിൽ രഹിതർ, കുടിയേറ്റക്കാർ, ആദിവാസികൾ തുടങ്ങി സമൂഹത്തിലെ എല്ലാവരെയും പങ്കെടുപ്പിച്ചുവേണം രാജ്യത്തിന്‍റെ ഭാവി പടുത്തുയർത്തേണ്ടതെന്ന് മാർപാപ്പ നിർദേശിച്ചു. ചിലി നേടിയ ജനാധിപത്യ പുരോഗതിയെ അദ്ദേഹം അഭിനന്ദിച്ചു.
മാർപാപ്പയെ ശ്രവിക്കാൻ സർക്കാർ ഉദ്യോഗസ്ഥരും നയതന്ത്രപ്രതിനിധികളും എത്തിച്ചേർന്നു.
തിങ്കളാഴ്ച വൈകിട്ട് തലസ്ഥാനമായ സാന്തിയാഗോയിൽ വിമാനമിറങ്ങി
യ മാർപാപ്പയെ പ്രസിഡന്‍റ് മിഷേൽ ബാച്ചെലെ സ്വീകരിച്ചു.
വിമാനത്താവളത്തിൽനിന്നുള്ള യാത്രാമധ്യേ മാർപാപ്പ അപ്രതീക്ഷിതമായി കിഴക്കൻ സാന്തിയാഗോയിലെ സാൻ ലൂയിജി ബെൽട്രാൻ ഡി പുഡാഹുയേൽ പള്ളിയിൽ സ്ഥിതിചെയ്യുന്ന മോൺ. എന്‌‌റിക്വെ അൽവിയാർ ഉറൂഷിയായുടെ കബറിടത്തിൽ പ്രാർഥിച്ചു.
സാന്തിയാഗോയിലെ സഹായമെത്രാനായിരുന്ന ഇദ്ദേഹം പാവപ്പെട്ടവരുടെ ബിഷപ്പെന്നാണ് അറിയപ്പെട്ടിരുന്നത്. 1982ലാണ് മരിച്ചത്.
Related
