Kerala
രാജ്യത്ത് സ്നേഹ സംസ്കാരം വളര്‍ത്തണം; ബിഷപ്പ് വര്‍ഗ്ഗീസ് ചക്കാലക്കല്‍
രാജ്യത്ത് സ്നേഹ സംസ്കാരം വളര്‍ത്തണം; ബിഷപ്പ് വര്‍ഗ്ഗീസ് ചക്കാലക്കല്‍
കോഴിക്കോട്: രാജ്യത്ത് സ്നേഹ സംസ്കാരം വളര്‍ത്തണമെന്ന് കോഴിക്കോട് ബിഷപ്പ് ഡോ.വര്‍ഗ്ഗീസ് ചക്കാലക്കല്‍. ജാതി മതഭേത മന്യേ എല്ലാവരും ഒറ്റകെട്ടായി പ്രവര്‍ത്തിക്കണം. കെ.സി.ബി.സി. പ്രോലൈഫ് മലബാര്‍ റീജിയന്‍ മേഖല സമ്മേളനം ഉദ്ഘാടനം ചെയ്യുകയായിരുന്നു ബിഷപ്പ്.
ഒന്നോ രണ്ടോ കുട്ടികള്‍ മാത്രമുളള കുടുംബങ്ങളില്‍ സ്വാർത്ഥത വര്‍ദ്ധിക്കുന്നതായും, രാജ്യത്ത് നിലവില്‍ സ്വാർത്ഥന്‍മാരുടെ എണ്ണത്തിലും വര്‍ദ്ധനവുണ്ടായിട്ടുളളതായും ബിഷപ്പ് കൂട്ടിച്ചേര്‍ത്തു.
താമരശ്ശേരി രൂപത മെത്രാന്‍ റെമീജിയോസ് ഇഞ്ചനാനിയില്‍ അധ്യക്ഷത വഹിച്ച പരിപാടിയില്‍ പ്രൊ ലൈഫ് ഡയറക്ടര്‍ ഫാ.പോള്‍ മാടശ്ശേരിയില്‍, മലബാര്‍ മേഖല ഡയറക്ടര്‍ ഫാ.ജോസ് പെണ്ണാപ്പാറ മലബാറില്‍ നിന്നുളള 7 രൂപതകളിലെ പ്രതിനിധികള്‍ സമ്മേളനത്തില്‍ പങ്കെടുത്തു. ചടങ്ങില്‍ പ്രൊ ലൈഫ് പുരസ്കാരങ്ങളും വിതരണം ചെയ്തു
