Diocese
മോണ്‍.മാനുവല്‍ അന്‍പുടയോന്റെ 29- ാം ചരമവാര്‍ഷികം ആചരിച്ചു
മോണ്‍.മാനുവല്‍ അന്‍പുടയോന്റെ 29- ാം ചരമവാര്‍ഷികം ആചരിച്ചു
സ്വന്തം ലേഖകന്‍
നെയ്യാറ്റിന്‍കര: നെയ്യാറ്റിന്‍കര രൂപതയിലെ ആദ്യ തദേശീയ വൈദികനായ മോണ്‍.മാനുവല്‍ അന്‍പുടയോന്റെ 29 ാം ചരമ വാര്‍ഷികം വ്ളാത്താങ്കര മരിയന്‍ തീര്‍ത്‌ഥാടന കേന്ദ്രത്തില്‍ ആചരിച്ചു. ചരമ വാർഷിക ദിനത്തോടനുബന്ധിച്ച് നടന്ന ദിവ്യബലിക്ക് കട്ടക്കോട് ഫൊറോന വികാരി ഫാ. റോബര്‍ട്ട് വിന്‍സെന്‍റ് മുഖ്യകാര്‍മികത്വം വഹിച്ചു.
തുടര്‍ന്ന് നടന്ന അനുസ്മരണ സമ്മേളനം നെയ്യാറ്റിന്‍കര രൂപത അല്‍മായ കമ്മീഷന്‍ ഡയറക്ടര്‍ ഫാ.എസ്.എം.അനില്‍കുമാര്‍ ഉദ്ഘാടനം ചെയ്തു. അനുസ്മരണ സന്ദേശം ഫാ. റോബര്‍ട്ട് വിന്‍സെന്‍റ് നല്‍കി. ഇടവക വികാരി മോണ്‍.വി.പി.ജോസ്, ഫാ.ടോണി മാത്യു, സരോജം, സ്റ്റെൻസ്ലാവൂസ്‌, ജോണ്‍സ്രാജ്, ജസ്റ്റിന്‍ തുടങ്ങിയവര്‍ പ്രസംഗിച്ചു.
