ബിഷപ് മാര്‍ ജോസഫ് പവ്വത്തിന് ആശംസകളുമായി ഇടയന്‍മാര്‍
ആര്‍ച്ച്ബിഷപ്സ് ഹൗസില്‍ വിശുദ്ധ കുര്‍ബാന അര്‍പ്പിച്ചുകൊണ്ടാണ് ആഘോഷങ്ങള്‍ക്ക് തുടക്കം കുറിച്ചത്
സ്വന്തം ലേഖകന്‍
ചങ്ങനാശേരി: മെത്രാഭിഷേക സുവര്‍ണജൂബിലിയിലേക്ക് പ്രവേശിച്ച ചങ്ങനാശേരി മുന്‍ ആര്‍ച്ച് ബിഷപ്പ് മാര്‍ ജോസഫ് പവ്വത്തിന് ആശംസകളുമായി മെത്രാന്‍മാര്‍.
ആര്‍ച്ച്ബിഷപ്സ് ഹൗസില്‍ വിശുദ്ധ കുര്‍ബാന അര്‍പ്പിച്ചുകൊണ്ടാണ് ആഘോഷങ്ങള്‍ക്ക് തുടക്കം കുറിച്ചത്. കാഞ്ഞിരപ്പള്ളി മുന്‍ ബിഷപ്പ് മാര്‍ മാത്യു അറയ്ക്കല്‍ മാര്‍ പവ്വത്തിലിനെ സന്ദര്‍ശിച്ച് ആശംസകള്‍ നേര്‍ന്നു.
ആര്‍ച്ച്ബിഷപ്സ് ഹൗസില്‍ നടന്ന ലഘു ചടങ്ങില്‍ ആര്‍ച്ച് ബിഷപ്പ് മാര്‍ ജോസഫ് പെരുന്തോട്ടം അധ്യക്ഷത വഹിച്ചു.
സഹായമെത്രാന്‍ മാര്‍ തോമസ് തറയില്‍, വികാരി ജനറാള്‍മാരായ മോണ്‍. ജോസഫ് വാണിയപ്പുരയ്ക്കല്‍, മോണ്‍. തോമസ് പാടിയത്ത്, ചാന്‍സലര്‍ റവ.ഡോ. ഐസക് ആലഞ്ചേരി, പ്രൊക്യുറേറ്റര്‍ ഫാ. ചെറിയാന്‍ കാരിക്കൊമ്പില്‍ എന്നിവര്‍ ആശംസകള്‍ നേര്‍ന്നു.
അതിരൂപത പാസ്റ്ററല്‍ കൗണ്‍സില്‍ സെക്രട്ടറി ഡോ. ഡൊമിനിക് ജോസഫ്, അസിസ്റ്റന്‍റ് സെക്രട്ടറി ആന്‍റണി മലയില്‍, വി.ജെ. ലാലി, അഡ്വ. ജോബ് മൈക്കിള്‍, കെ.എഫ്. വര്‍ഗീസ് എന്നിവര്‍ ആര്‍ച്ച്ബിഷപ്സ് ഹൗസിലെത്തി ആശംസകള്‍ നേര്‍ന്നു.
