സ്വന്തം ലേഖകൻ
ജാർഖണ്ഡ്: ജാർഖണ്ഡിലെ ഹസാരിബാഗ് ബിഷപ്പായിരുന്ന, ബിഷപ്പ് എമിരിറ്റസ് ചാൾസ് സോറെങ് എസ്.ജെ. അന്തരിച്ചു. 11 -നു രാവിലെ 8.40 -ന് റാഞ്ചിയിലെ സേവനിലയ ഹെൽത്ത് സെന്ററിൽ വച്ചായിരുന്നു അന്ത്യം, 84 വയസ്സായിരുന്നു.
സംസ്ക്കാര ശുശ്രൂഷകൾ 15 ചൊവ്വാഴ്ച ഉച്ചകഴിഞ്ഞ് ഒരു മണിക്ക് ഹസാരിബാഗിലെ ട്രാൻസ്‌ഫിഗുറേഷൻ ഓഫ് ഔർ ലോർഡ് കത്തീഡ്രലിൽ നടക്കും.
1934 ഓഗസ്റ്റ് 18 ന് ജനിച്ച അദ്ദേഹം, 1969 മാർച്ച് 24 -ന് സൊസൈറ്റി ഓഫ് ജീസസ് (എസ്ജെ) സഭയിൽ വൈദീകനായി.
1990 ഏപ്രിൽ 9 -ന് ജാർഖണ്ഡിലെ ഡെൽറ്റോങ്ങാഞ് രൂപതയുടെ ബിഷപ്പായി നിയമിക്കപ്പെട്ടു. എന്നാൽ, ജാർഖണ്ഡിലെ ഹസാരിബാഗ് എന്ന പുതിയ രൂപത നിലവിൽ വന്നപ്പോൾ, 1995 ഏപ്രിൽ 1 -ന് ഹസാരിബാഗിലെ ആദ്യ ബിഷപ്പായി നിയമിതനായി.
49 വർഷക്കാലം ഒരു പുരോഹിതനും 28 വർഷക്കാലം ബിഷപ്പായും സേവനം ചെയ്ത ഇദ്ദേഹം സജീവമായ എപ്പിസ്കോപ്പൽ ശുശ്രൂഷയിൽ നിന്ന് 2012 സെപ്റ്റംബർ 8 -ന് വിരമിച്ചിരുന്നു.
