ബാലരാമപുരം സെബസ്‌ത്യാനോസ്‌ ദേവാലയത്തില്‍ മധ്യസ്‌ഥ തിരുനാള്‍ ആഘോഷിച്ചു
ബാലരാമപുരം സെബസ്‌ത്യാനോസ്‌ ദേവാലയത്തില്‍ മധ്യസ്‌ഥ തിരുനാള്‍ ആഘോഷിച്ചു
ബാലരാമപുരം: വിശുദ്ധ സെബസ്‌ത്യാനോസ്‌ ദേവാലയത്തിൽ തിരുനാൾ ആഘോഷങ്ങളുടെ ഭാഗമായി വിശുദ്ധ സെബസ്‌ത്യാനോസിന്റെ മധ്യസ്‌ഥ തുരുനാൾ ആഘോഷിച്ചു. ആഘോഷങ്ങളുടെ ഭാഗമായി നടന്ന പൊന്തിഫിക്കൽ ദിവ്യബലിക്ക്‌ നെയ്യാറ്റിൻകര രൂപതാ ബിഷപ് ഡോ. വിൻസെന്റ് സാമുവൽ മുഖ്യ കാർമ്മികത്വം വഹിച്ചു.
കൊല്ലോട്‌ സെന്റ്‌ ജോസഫ് ഇടവക വികാരി ഫാ. അജി അലോഷ്യസ്‌, ക്‌ടാരക്കുഴി സെന്റ്‌ ജോസഫ് വികാരി ഫാ. ജോജി ജോർജ്ജ്‌, ഈഴക്കോട്‌ വികാരി ഫാ. എ.എസ്‌. പോൾ, നെയ്യാറ്റിൻകര കത്തീഡ്രൽ സഹവികാരി ഫാ. അനീഷ്‌, ബിഷപ്‌സ്‌ സെക്രട്ടറി ഫാ. ഷൈജു തുടങ്ങിയവർ സഹകാർമ്മികരായി.
ദിവ്യബലിക്ക്‌ ശേഷം വിശുദ്ധന്റെ തിരുസ്വരൂപവും വഹിച്ച്‌ കൊണ്ട്‌ ദേവാലയത്തിന്‌ ചുറ്റും പ്രദക്ഷിണവും അമ്പു നേർച്ചയും നടന്നു. വിദ്യാഭ്യസ ദിനമായ ഇന്ന്‌ രാവിലെ 6-ന്‌ അത്താഴമംഗലം സെന്റ്‌ പീറ്റർ ഇടവക വികാരി ഫാ. വി.എൽ. പോളിന്റെ കാർമ്മികത്വത്തിൽ ദിവ്യബലി അർപ്പിച്ചു.
വൈകിട്ട്‌ 6-ന്‌ നടക്കുന്ന സമൂഹ ദിവ്യബലിക്ക്‌ നിഡ്‌സ്‌ ഡയറക്‌ടർ ഫാ. എസ്‌.എം അനിൽകുമാർ നേതൃത്വം നൽകും. ഡോ. ക്രിസ്‌തുദാസ്‌ തോംസണ്‍ വചന പ്രഘോഷണ കർമ്മം നിർവ്വഹിക്കും. നാളെ വൈകിട്ട്‌ 6-ന്‌ ദിവ്യബലി ലാറ്റിൻ ഭാഷയിൽ: മുഖ്യ കാർമ്മികൻ ഡോ.ഗ്ലാഡിന്‍ അലക്‌സ്‌ ജൂഡിഷ്യൽ വികാർ തിരുവനന്തപുരം അതിരൂപത.
