വത്തിക്കാൻസിറ്റി: ഫ്രാൻസിസ് പാപ്പയെക്കുറിച്ചു തയാറാക്കിയ ‘പോപ്പ് ഫ്രാൻസിസ് – എ മാൻ ഓഫ് ഹിസ് വേഡ്സ്’ എന്ന ഡോക്യുമെന്‍ററിയുടെ ട്രെയ്‌ലർ വത്തിക്കാൻ ടിവി പുറത്തുവിട്ടു. ലോക സിനിമയിലെ അതികായകന്മാരിൽ ഒരാളായ ജർമൻ സംവിധായകൻ വിം വെൻഡേഴ്സ് ആണ് ഡോക്യുമെന്‍ററി സംവിധാനം ചെയ്തിരിക്കുന്നത്.
മെയ് ആദ്യം നടക്കുന്ന കാൻ ഫിലിം ഫെസ്റ്റിവലിൽ ഡോക്യുമെന്‍ററി റിലീസ് ചെയ്യാൻ സാധ്യതയുണ്ട്. അമേരിക്കയിലും ബ്രിട്ടനിലും മേയ് 18-ന് പുറത്തിറക്കാനാണു തീരുമാനിച്ചിരിക്കുന്നത്.
രണ്ടു വർഷംകൊണ്ടാണ് ചിത്രം പൂർത്തിയാക്കിയത്. സാമൂഹിക നീതി, കുടിയേറ്റം, പരിസ്ഥിതി, അസമത്വം തുടങ്ങി സമകാലിക ലോകം നേരിടുന്ന പ്രശ്നങ്ങളിൽ പാപ്പാ തന്‍റെ നിലപാടുകൾ ഡോക്യുമെന്‍ററിയിൽ വ്യക്തമാക്കുന്നു.
Related
