ഫാ.സ്റ്റീഫൻ തോമസ് ചാലക്കര KCBC യൂത്ത് കമ്മീഷൻ സെക്രട്ടറി

ഫാ.രാജു പൗലോസ്

പുനലൂർ: KCBC യൂത്ത് കമ്മീഷന്റെ പുതിയ സെക്രട്ടറിയായും KCYM സംസ്ഥാന സമിതിയുടെ പുതിയ ഡയറക്ടറായും ഫാ.സ്റ്റീഫൻ തോമസ് ചാലക്കര ചുമതലയേറ്റു. പുനലൂർ രൂപതക്കാരനായ ഫാ.സ്റ്റീഫൻ തോമസ് ചാലക്കര ഇനിമുതൽ പുനലൂർ രൂപതയുടെ നിറസാന്നിധ്യമായി കത്തോലിക്കാ സഭയിൽ നിറയുമ്പോൾ പുനലൂർ രൂപതയ്ക്ക് അഭിമാനിക്കാം.

പുനലൂർ ബിഷപ്പ് സിൽവസ്റ്റർ പൊന്നുമുത്തനും, വികാരിജനറലും അഭിനന്ദിച്ചു. രൂപതയ്ക്ക് അഭിമാനത്തിന്റെ നിമിഷമെന്നായിരുന്നു എൽ.സി.വൈ.എം ന്റെ പ്രതികരണം.

വിജയപുരം രൂപതയിലെ തുകലശ്ശേരി സെന്റ് ജോസഫ് ദേവാലയ ഇടവക അംഗമാണ് ഫാ.സ്റ്റീഫൻ തോമസ്. ഇളമ്പൽ സെന്റ് അലോഷ്യസ് മൈനർ സെമിനാരിയിലും, ആലുവയിലെ കാർമൽഗിരി
സെന്റ് ജോസഫ് പൊന്തിഫിക്കൽ മേജർ സെമിനാരിയിലുമായി വൈദീക പരിശീലനം പൂർത്തിയാക്കിയ ശേഷം 2004 മെയ്‌ 28 -ന് ബിഷപ്പ് മത്തിയാസ് കാപ്പിലിൽ നിന്ന് തിരുപ്പട്ടം സ്വീകരിച്ചു.

ഇപ്പോൾ കൊടുമൺ ഫാത്തിമ മാതാ ഇടവക വികാരിയാണ് ഫാ.സ്റ്റീഫൻ തോമസ്.

ചാലക്കര തോമസ് –
റോസമ്മ തോമസ് മാതാപിതാക്കളും;
സേവിയർ തോമസ്,
സെബാസ്റ്റ്യൻ തോമസ് എന്നിവർ സഹോദരങ്ങളുമാണ്.