അനിൽ ജോസഫ്
നെയ്യാറ്റിന്‍കര: നെയ്യാറ്റിന്‍കര രൂപതാ വിദ്യാഭ്യാസ ശുശ്രൂഷാ സമിതി ഡയറക്ടര്‍ ഫാ.ജോണി കെ. ലോറന്‍സിന്‍റെ പിതാവ് പാലപ്പൂര്‍ ജോയിവില്ലയില്‍ എ.പി. ലോറന്‍സ് ( 88) നിര്യാതനായി. വാര്‍ദ്ധക്യ സഹജമായ അസുഖങ്ങള്‍ മൂലം ചികിത്സയിലായിരുന്നു അദ്ദേഹം.
സംസ്കാരം നാളെ രാവിലെ 10-ന് പാലപ്പൂര്‍ ഹോളി ക്രോസ് ദേവാലയത്തില്‍ നടക്കും. പരേതനുവേണ്ടിയുള്ള അനുസ്മരണ പ്രാര്‍ഥന വ്യാഴ്ച വൈകിട്ട് 4 – ന് പാലപ്പൂര്‍ ഹോളിക്രോസ് ദേവാലയത്തില്‍ നടത്തും.
ഭാര്യ- ഡൊറത്തിഭായി; മക്കള്‍- വെന്‍സ്ലാസ് ലോറന്‍സ്, ഹെലന്‍ ഡി.ലോറൻസ്, ജോയി കെ. ലോറന്‍സ്; മരുമക്കള്‍- സുധീര്‍, ആനി ജാരറ്റ്, ഷീജ സി.എസ്.
നെയ്യാറ്റിന്‍കര ബിഷപ് ഡോ.വിന്‍സെന്‍റ് സാമുവല്‍, മോണ്‍.ജി.ക്രിസ്തുദാസ് ശുശ്രൂഷ കോ-ഓർഡിനേറ്റര്‍ മോണ്‍.വി.പി ജോസ് തുടങ്ങിയവര്‍ അനുശോചിച്ചു.
