പൊന്‍വിള സെന്‍റ് വിന്‍സെന്‍റ് ഡി പോള്‍ ദേവാലയ തിരുനാളിന് തുടക്കമായി
പൊന്‍വിള സെന്‍റ് വിന്‍സെന്‍റ് ഡി പോള്‍ ദേവാലയ തിരുനാളിന് തുടക്കമായി
അനില്‍രാജ് പൊന്‍വിള
പാറശാല: പൊന്‍വിള സെന്‍റ് വിന്‍സെന്‍റ് ഡി പോള്‍ ദേവാലയ തിരുനാളിന് തുടക്കമായി. ഇടവക വികാരി ഫാ.ജോസഫ് അനില്‍ കൊടിയേറ്റി തിരുനാളിന് തുടക്കം കുറിച്ചു.
ഇന്ന് (24.09.2019) മുതല്‍ 28 വരെ ബദ്സെയ്ദ ധ്യാനകേന്ദ്രത്തിലെ ഫാ. ജോയി മുസോളിനിയുടെ നേതൃത്വത്തില്‍ മിഷന്‍ ധ്യാനം നടക്കും.
തിരുനാള്‍ ദിനങ്ങളില്‍ നെയ്യാറ്റിന്‍കര രൂപതാ വികാരി ജനറല്‍ മോണ്‍.ജി.ക്രിസ്തുദാസ്,നെയ്യാറ്റിന്‍കര റീജിയന്‍ കേ ഓർഡിനേറ്റര്‍ മോണ്‍.ഡി.സെല്‍വരാജന്‍, ഫാ.ബനഡിക്ട് കണ്ണാടന്‍, ഫാ.ലോറന്‍സ് കെ.ആര്‍., ഫാ.കിരണ്‍രാജ്, ഫാ.ആല്‍ബി മുല്ലോത്ത്, ഫാ.പ്രദീപ് ആന്‍റോ, ഫാ.അല്‍ഫോണ്‍സ് ലിഗോറി, ഫാ.അനീഷ്കുമാര്‍, ഫാ.ജോയിസാബു തുടങ്ങിയവര്‍ നേതൃത്വം നല്‍കും.
29-ന് ദിവ്യബലിയെ തുടര്‍ന്ന് ആഘോഷമായ ദിവ്യകാരുണ്യപ്രദക്ഷിണം ഉണ്ടായിരിക്കും.
സമാപന ദിനമായ 30-ന് രാവിലെ 9.30-ന് ആഘോഷമായ സമൂഹ ദിവ്യബലിയ്ക്ക് നെയ്യാറ്റിന്‍കര രൂപതാ ശുശ്രൂഷ കോ ഓഡനേറ്റര്‍ മോണ്‍.വി.പി ജോസ് മുഖ്യ കാര്‍മ്മികനും, റവ. ഡോ.ക്രിസ്തുദാസ് തോംസൺ വചന പ്രഘോഷണവും നൽകും.
