Kerala
പാളയം കത്തീഡ്രല്‍ തിരുനാളിന് ഭക്തി സാന്ദ്രമായ തുടക്കം
പൊന്തിഫിക്കല്‍ ദിവ്യബലിക്ക് അതിരൂപതാ മെത്രാന്‍ ഡോ. തോമസ് ജെ നെറ്റോ മുഖ്യ കാര്‍മ്മികത്വം വഹിക്കും.
സ്വന്തം ലേഖകന്‍
തിരുവനന്തപുരം : തിരുവനന്തപുരം ലത്തീന്‍ അതിരൂപതയുടെ ഭദ്രാസന ദേവാലയമായ പാളയം സെന്‍റ് ജോസഫ് മെട്രോപോളിറ്റന്‍ കത്തീഡ്രല്‍ ദേവാലയ തിരുനാളിന് തുടക്കമായി.
ഇടവക വികാരി ഫാ.ടി. നിക്കളോസ് കൊടിയേറ്റ് കര്‍മ്മം നിര്‍വ്വഹിച്ചു. ഇന്നലെ ആരംഭിച്ച തിരുനാള്‍ 20 നാണ് സാമാപിക്കുക. തിരുനാള്‍ പ്രാരംഭ ദിവ്യബലിക്ക് രൂപതാ വികാരി ജനറല്‍ മോണ്‍. സി ജോസഫ് മുഖ്യകാര്‍മ്മികത്വം വഹിച്ചു. പോങ്ങുംമൂട് ഇടവക വികാരി ഡോ.ലോറന്‍സ് കുലാസ് വചന സന്ദേശം നല്‍കി.
തിരുനാള്‍ ദിനങ്ങളില്‍ രൂപതയിലെ വിവിധ വൈദികര്‍ തിരുകര്‍മ്മങ്ങള്‍ക്ക് നേതൃത്വം നല്‍കും. 18 ന് വൈകിട്ട് ദിവ്യബലിയെ തുടര്‍ന്ന് ആഘോഷമായ തിരുസ്വരൂപ പ്രദക്ഷിണം നടക്കും.
20 ന് രാവിലെ 10 ന് നടക്കുന്ന പൊന്തിഫിക്കല്‍ ദിവ്യബലിക്ക് അതിരൂപതാ മെത്രാന്‍ ഡോ. തോമസ് ജെ നെറ്റോ മുഖ്യ കാര്‍മ്മികത്വം വഹിക്കും.
