പച്ചക്കറി കിറ്റ് വിതരണം ചെയ്ത് പേരയം സെന്റ് മേരീസ്‌ ദേവാലയത്തിലെ യുവജനങ്ങൾ

അർച്ചന കണ്ണറവിള

നെയ്യാറ്റിൻകര: ലോകം മുഴുവൻ കോവിഡ് 19-ന്റെ ഭീതിയിൽ വിറങ്ങലിച്ചു നിൽക്കുമ്പോൾ, തങ്ങളുടെ ഇടവക പരിധിയിലുള്ളവർക്കെങ്കിലും കൈത്താങ്ങാവുകയാണ് പേരയം സെന്റ് മേരീസ്‌ ദേവാലയത്തിലെ യുവജനങ്ങൾ. ഇടവകയിലെ 150 കുടുംബങ്ങൾക്കാണ് പച്ചക്കറി കിറ്റ് വിതരണം ചെയ്തത്, ഇടവക വികാരി ഫാ.വിപിൻ എഡ്‌വേഡ്‌ ഉദ്ഘാടനം നിർവഹിച്ചു.

സാമ്പത്തികമായും മാനസികമായും ലോകം മുഴുവൻ തളർന്നു നിൽക്കുന്ന ഈ സാഹചര്യത്തിൽ സഹജീവികൾക്ക് കരുത്തും ആശ്രയവും ആകുവാനുള്ള തങ്ങളുടെ കടമയുടെ ഭാഗമാണ് ഈ പ്രവർത്തിക്ക് പിന്നിലെന്ന് യുവജനങ്ങൾ പറഞ്ഞു. നെയ്യാറ്റിൻകര രൂപതയിലെ ചുള്ളിമാനൂർ ഫെറോനയുടെ കീഴിൽ വരുന്ന ഇടവകയാണ് പേരയം സെന്റ് മേരീസ്‌ ദേവാലയത്തിലെ ജനങ്ങൾ. തികച്ചും ഒറ്റപ്പെട്ടതെന്ന് പറയാവുന്ന ഒരു പ്രദേശം കൂടിയാണ് പേരയം.