നെയ്യാറ്റിന്‍കര രൂപത ജപമാല മാസാചരണത്തിന് നാളെ സമാപനം; നെടുമങ്ങാട് പട്ടണം ചുറ്റി ജപമാല പദയാത്ര ഉച്ചക്ക് ശേഷം
നെയ്യാറ്റിന്‍കര രൂപത ജപമാല മാസാചരണത്തിന് നാളെ സമാപനം; നെടുമങ്ങാട് പട്ടണം ചുറ്റി ജപമാല പദയാത്ര ഉച്ചക്ക് ശേഷം
അനിൽ ജോസഫ്
നെടുമങ്ങാട്: നെയ്യാറ്റിന്‍കര രൂപത ജപമാല മാസാചരണത്തിന് നാളെ സമാപനമാവും. സമാപനത്തോടനുബന്ധിച്ച് നെടുമങ്ങാട് പട്ടണം ചുറ്റി നടക്കുന്ന ജപമാല പദയാത്രയില്‍ നൂറുകണത്തിന് മരിയ ഭക്തര്‍ അണിനിരക്കും.
ഇന്ന് നടന്ന പരിശുദ്ധ അമ്മ സ്ത്രീകള്‍ക്ക് മാതൃക സെമിനാര്‍ കെഎല്‍സിഡബ്ല്യൂഎ സംസ്ഥാന പ്രസിസ്റ്റന്‍റ് ജെയിന്‍ ആന്‍സില്‍ ഫ്രാന്‍സിസ് ഉദ്ഘാടനം ചെയ്യ്തു. ഉച്ചക്ക് ശേഷം നടന്ന പൊതു സമ്മേളനം കെആര്‍എല്‍സിസി ലെയ്റ്റി സെക്രട്ടറി ഫാ.ഷാജ്കുമാര്‍ ഉദ്ഘാടനം ചെയ്യ്തു. കെഎല്‍സിഡബ്ല്യൂഎ സംസ്ഥാന ജനറല്‍ സെക്രട്ടറി അല്‍ഫോണ്‍സ ആന്‍റില്‍സ് അധ്യക്ഷത വഹിച്ചു.
നാളെ രാവിലെ 9 മുതല്‍ അഖണ്ഡജപമാല. 1.30 ന് നെടുമങ്ങട് നവജ്യോതി അനിമേഷന്‍ സെന്‍ററില്‍ ജപമാല പദയാത്ര നെയ്യാറ്റിന്‍കര രൂപത ശുശ്രൂഷ കോ ഓഡിനേറ്റര്‍ മോണ്‍.വി.പി.ജോസ് ഉദ്ഘാടനം ചെയ്യും.
പദയാത്ര നെടുമങ്ങാട് പട്ടണം ചുറ്റി താന്നിമൂട് അമലോത്ഭവമാതാ ദേവാലയത്തില്‍ എത്തുന്നതോടെ നെയ്യാറ്റിന്‍കര രൂപത ബിഷപ്പ് ഡോ.വിന്‍സെന്‍റ് സാമുവല്‍ ജപമാല മാസാചരത്തിന്റെ സമാപന സമ്മേളനം ഉദ്ഘാടനം ചെയ്യും.
