നെയ്യാറ്റിന്‍കര രൂപത ജപമാലമാസാചരണത്തിന് ഭക്തി നിര്‍ഭരമായ തുടക്കം
നെയ്യാറ്റിന്‍കര രൂപത ജപമാലമാസാചരണത്തിന് ഭക്തി നിര്‍ഭരമായ തുടക്കം
അനിൽ ജോസഫ്
ബാലരാമപുരം: നെയ്യാറ്റിന്‍കര ലത്തീന്‍ രൂപതയുടെ ജപമാല മാസാചരത്തിന് ഭക്തി നിര്‍ഭരമായ തുടക്കം. പയറ്റുവിള ജപമാല രാജ്ഞി ദേവാലയത്തില്‍ നടന്ന ഉദ്ഘാടന സമ്മേളനം വികാരി ജനറല്‍ മോണ്‍. ജി.ക്രിസ്തുദാസ് ഉദ്ഘാടനം ചെയ്തു. ജപമാല ഭക്തി ജീവിത വിശുദ്ധിയുടെ മാര്‍ഗ്ഗമാണെന്ന് പരിപാടി ഉദ്ഘാടനം ചെയ്ത് അദേഹം പറഞ്ഞു.
ലീജിയന്‍ ഓഫ് മേരി നെയ്യാറ്റിന്‍കര കമ്മിസിയം വൈസ് പ്രസിഡന്‍റ് ജോണ്‍ വര്‍ഗ്ഗീസ് അധ്യക്ഷത വഹിച്ച പരിപാടിയില്‍ നെയ്യാറ്റിന്‍കര രൂപത അല്‍മായ കമ്മിഷന്‍ ഡയറക്ടര്‍ ഫാ.എസ്.എം.അനില്‍കുമാര്‍, ഇടവക വികാരി ഫാ.ജോര്‍ജ്ജ് കുട്ടിശാശ്ശേരി, വി.സുകുമാരന്‍, ബിനു, പാപ്പച്ചന്‍ തുടങ്ങിയവര്‍ പ്രസംഗിച്ചു.
ജപമാല മാസാചരണത്തിന്‍റെ സമാപനം നെടുമങ്ങാട് ഫൊറോനയിലെ താന്നിമൂട് അമലോത്ഭവമാതാ ദേവാലയത്തില്‍ നടക്കും. സമാപനത്തിന്‍റെ ഭാഗമായി നെടുമങ്ങാട് ടൗണ്‍ ചുറ്റി കൂറ്റന്‍ ജപമാല പദയാത്രയും ക്രമീകരിച്ചിട്ടുണ്ട്.
