Diocese
നെയ്യാറ്റിന്‍കര രൂപത കമ്മ്യൂണിറ്റി കിച്ചന് ഭക്ഷണ സാധനങ്ങള്‍ കൈമാറി
കമ്മ്യൂണിറ്റി കിച്ചനുവേണ്ടി നെയ്യാറ്റിൻകര രൂപത നടപ്പിലാക്കുന്ന ഓന്നാം ഘട്ടപദ്ധതിക്കാണ് തുടക്കം കുറിച്ചത്...
അനിൽ ജോസഫ്
നെയ്യാറ്റിന്‍കര: കോവിഡ് 19 കാരണം ലോക്ഡൗണില്‍ കഴിയുന്ന നിര്‍ദ്ദനരായവര്‍ക്ക് ഭക്ഷണമെത്തിച്ച് നല്‍കുന്ന സര്‍ക്കാര്‍ പദ്ധതിയായ ‘കമ്മ്യൂണിറ്റി കിച്ചന് പദ്ധതി’യുമായി കൈകോര്‍ത്ത് നെയ്യാറ്റിന്‍കര രൂപത. നെയ്യാറ്റിന്‍കര, കാട്ടാക്കട, നെടുമങ്ങാട് താലൂക്കുകളിലെ നഗരസസഭയുള്‍പ്പെടെയുളള വിവിധ പഞ്ചായത്തുകള്‍ക്കാണ് ഭക്ഷണ സാധനങ്ങളും പലവെജ്ഞനവും വിതരണം ചെയ്തത്.
കമ്മ്യൂണിറ്റി കിച്ചനുവേണ്ടി നെയ്യാറ്റിൻകര രൂപത നടപ്പിലാക്കുന്ന ഓന്നാം ഘട്ടപദ്ധതിക്കാണ് തുടക്കം കുറിച്ചത്. അതിയന്നൂര്‍ പഞ്ചായത്ത് പ്രസിഡന്റ് ബി.ടി.ബീനക്ക് ഭക്ഷണ സാധനങ്ങള്‍ കൈമാറി ബിഷപ്പ് പരിപാടി ഉദ്ഘാടനം ചെയ്തു. രൂപത വികാരി ജനറല്‍ മോണ്‍.ജി.ക്രിസ്തുദാസ്, ഫാ.വൈ.ക്രിസ്റ്റഫര്‍, ഫാ.സാബു വര്‍ഗ്ഗീസ്, ഫാ.രാഹുല്‍ലാല്‍ തുടങ്ങിയവര്‍ പങ്കെടുത്തു.
