നെയ്യാറ്റിന്‍കര രൂപത എല്‍.സി.വൈ.എം. ന് പുതിയ സാരഥികള്‍
നെയ്യാറ്റിന്‍കര രൂപത എല്‍.സി.വൈ.എം. ന് പുതിയ സാരഥികള്‍
അനിൽ ജോസഫ്
നെയ്യാറ്റിന്‍കര: നെയ്യാറ്റിന്‍കര ലത്തീന്‍ രൂപയിലെ ലാറ്റിന്‍ കാത്തലിക് യൂത്ത് മൂവ്മെന്‍റിന് (എല്‍.സി.വൈ.എം.) പുതിയ സാരഥികളായി. ചുളളിമാനൂര്‍ ഫൊറോനയിലെ പേരയം ഇടവകാഗമായ ജോജി ടെന്നിസനാണ് പുതിയ പ്രസിഡന്‍റ്. ആര്യനാട് ഫൊറോനയിലെ മനോജാണ് ജനറല്‍ സെക്രട്ടറി. വൈസ് പ്രസിഡന്‍റുമാരായി കുമാരി സജിതയും, സതീഷും; സെക്രട്ടറിമാരായി ആദര്‍ശ്, സുബി, കുമാരി സോന എന്നിവരും തെരഞ്ഞെടുക്കപ്പെട്ടു. കൂടാതെ, സ്റ്റേറ്റ് സിന്‍ഡിക്കറ്റ് മെമ്പറായി അരുണ്‍ തോമസും, സ്റ്റേറ്റ് സെനറ്റ് അംഗങ്ങളായി പ്രമോദ്, കുമാരി അനുരമ്യ എന്നിവരും; ട്രഷററായി അനുദാസിനേയും തെരെഞ്ഞെടുത്തു.
വ്ളാങ്ങാമുറി ലോഗോസ് പാസ്റ്ററല്‍ സെന്‍ററില്‍ നടന്ന രൂപതാ വാര്‍ഷിക സെനറ്റ് യോഗത്തിലാണ് പുതിയ ഭാരവാഹികളെ തെരെഞ്ഞെടുത്തത്. മുന്‍ പ്രസിഡന്‍റ് അരുണ്‍ തോമസിന്‍റെ അധ്യക്ഷതയില്‍ നടന്ന സെനറ്റ് രൂപത പാസ്റ്ററല്‍ മിനിസ്ട്രി ഡയറക്ടര്‍ ഡോ.നിക്സണ്‍ രാജ് ഉദ്ഘാടനം ചെയ്തു. രൂപത യൂവജന കമ്മിഷന്‍ ഡയറക്ടര്‍ ഫാ.ബിനു ടി. മുഖ്യ സന്ദേശം നല്‍കി. ആനിമേറ്റര്‍ മോഹന്‍. സുബി നെടുമങ്ങാട്, കുരിശുമല പ്രമോദ്, അനീഷ്, അനുരമ്യ, സജിത, സരീഷ തുടങ്ങിയവര്‍ പ്രസംഗിച്ചു.
രൂപത യുവജന വര്‍ഷ സമാപനം നടക്കുന്ന ഏപ്രില്‍ 7-നാണ് പുതിയ ഭാരവാഹികളുടെ സത്യപ്രതിജ്ഞ. അന്നേദിവസം, നെയ്യാറ്റിന്‍കര അക്ഷയ കോപ്ലക്സില്‍ യുവജന സംഗമവും നടക്കുമെന്ന് രൂപതാ നേതൃത്വം അറിയിച്ചു.
