നെയ്യാറ്റിന്‍കര രൂപതയില്‍ ജപമാല മാസാചരണം; വിളംബര ബൈക്ക് റാലി ആരംഭിച്ചു
നെയ്യാറ്റിന്‍കര രൂപതയില്‍ ജപമാല മാസാചരണം; വിളംബര ബൈക്ക് റാലി ആരംഭിച്ചു
അനിൽ ജോസഫ്
നെയ്യാറ്റിന്‍കര: നെയ്യാറ്റിന്‍കര രൂപതയില്‍ ജപമാല മാസാചരണത്തിന് മുന്നോടിയായുളള വിളംബര ബൈക്ക് റാലിക്ക് തുടക്കമായി. മരിയന്‍ തീര്‍ത്ഥാടന കേന്ദ്രമായ വ്ളാത്താങ്കര സ്വാരോപിത മാതാ ദേവാലയത്തില്‍ നെയ്യാറ്റിന്‍കര രൂപത ശുശ്രൂഷ കോ-ഓർഡിനേറ്റര്‍ മോണ്‍.വി.പി. ജോസ് മെറ്റല്‍പതാക കൈമാറി ബൈക്ക് റാലിക്ക് തുടക്കം കുറിച്ചു.
ലീജിയന്‍ ഓഫ് മേരി നെയ്യാറ്റിന്‍കര കമ്മിസിയമാണ് ബൈക്ക് റാലിക്ക് നേതൃത്വം കൊടുക്കുന്നത്. ലിജിയന്‍ ഓഫ് മേരി നെയ്യാറ്റിന്‍കര കമ്മിസിയം പ്രസിഡന്‍റ് ഷാജി ബോസ്കോ, വൈസ് പ്രസിഡന്‍റ് ജോണ്‍ വര്‍ഗ്ഗീസ്, സുകുമാരന്‍, ബ്യൂണ്‍മേരി തുടങ്ങിയവര്‍ പ്രസംഗിച്ചു.
നെയ്യാറ്റിന്‍കര രൂപതയിലെ 22 കേന്ദ്രങ്ങള്‍ സന്ദര്‍ശിച്ച് നാളെ നെടുമങ്ങാട്ടില്‍ ബൈക്ക് റാലിക്ക് സമാപനമാവും. ഒക്ടോര്‍ 1 മുതലാണ് ജപമാല മാസാചരണത്തിന് തുടക്കമാവുന്നത്.
നെയ്യാറ്റിന്‍കര രൂപതയുടെ ജപമാല പതയാത്ര ഒക്ടോബര്‍ 20-ന് നെടുമങ്ങാട് അനിമേഷന്‍ സെന്‍ററില്‍ നിന്ന് ആരംഭിച്ച് താന്നിമൂട് പരിശുദ്ധ അമലോത്ഭവമാതാ ദേവാലയത്തില്‍ സമാപിക്കും.
