നെയ്യാറ്റിന്‍കര അമലോത്ഭവമാതാ കത്തീഡ്രല്‍ തിരുനാളിന് ഭക്തി നിര്‍ഭരമായ തുടക്കം
നെയ്യാറ്റിന്‍കര അമലോത്ഭവമാതാ കത്തീഡ്രല്‍ തിരുനാളിന് ഭക്തി നിര്‍ഭരമായ തുടക്കം
അനിൽ ജോസഫ്
നെയ്യാറ്റിന്‍കര: നെയ്യാറ്റിന്‍കര രൂപതയുടെ ഭദ്രാസന ദേവാലയമായ അമലോത്ഭവമാതാ കത്തീഡ്രല്‍ തിരുനാളിന് ഭക്തി നിര്‍ഭരമായ തുടക്കം. ഇടവക വികാരി മോണ്‍.വി.പി. ജോസ് കൊടിയേറ്റി തിരുനാളിന് തുടക്കം കുറിച്ചു. തിരുനാള്‍ ആരംഭ ദിവ്യബലിക്ക് വികാരി ജനറല്‍ മോണ്‍.ജി.ക്രിസ്തുദാസിന്‍റെ മുഖ്യ കാര്‍മ്മികത്വം വഹിച്ചു. വചന സന്ദേശം കെ.ആര്‍.എല്‍.സി.സി. പ്ലാനിംഗ് ബോര്‍ഡ് കോ ഓഡിനേറ്റര്‍ മോണ്‍.ജെയിംസ് നല്‍കി.
തിരുനാളിന്‍റെ ഭാഗമായി നടക്കുന്ന വചനാനുഭവ കണ്‍വെന്‍ഷന് കപ്പൂച്ച്യന്‍ മിഷന്‍ ധ്യാനകേന്ദ്രം നേതൃത്വം നല്‍കും.
ഡിസംബര്‍ 2 -ന് തിരുവനന്തപുരം അതിരൂപതാ സഹായ മെത്രാന്‍ ഡോ.ആര്‍ ക്രിസ്തുദാസിന്‍റെ മുഖ്യ കാര്‍മ്മികത്വത്തില്‍ പൊന്തിഫിക്കല്‍ ദിവ്യബലി, വചന സന്ദേശം ഫാ.ജോണി കെ. ലോറന്‍സ് പങ്കുവയ്ക്കും.
തിരുനാള്‍ ദിനങ്ങളില്‍ മോണ്‍.റൂഫസ് പയസലീന്‍, മോണ്‍.സെല്‍വരാജന്‍,മോണ്‍.വിന്‍സെന്‍റ് കെ. പീറ്റര്‍, ഫാ.എസ്.എം. അനില്‍കുമാര്‍, ഡോ.ഗ്ലാഡിന്‍ അലക്സ്, ഡോ.ജോസ് റാഫേല്‍, ഫാ.കിരണ്‍ രാജ്, ഫാ.സാബു വര്‍ഗ്ഗീസ്, ഫാ.ബിനു.ടി, ഡോ.ക്രിസ്തുദാസ് തോംസണ്‍, ഫാ.ജോസഫ് അനില്‍, ഫാ.റോബര്‍ട്ട് വിന്‍സെന്‍റ്, ഫാ.രാഹുല്‍ ബി. ആന്‍റോ തുടങ്ങിയവര്‍ തിരുകര്‍മ്മങ്ങള്‍ക്ക് നേതൃത്വം നല്‍കും.
ഡിസംബര്‍ 8 – ന് ആഘോഷമായ തിരുസ്വരൂപ പ്രദക്ഷിണം നടക്കും.
9 – ന് രാവിലെ 9.30 – ന് ബിഷപ് ഡോ.വിന്‍സെന്‍റ് സാമുവലിന്‍റെ മുഖ്യ കാര്‍മ്മികത്വത്തില്‍ പൊന്തിഫിക്കല്‍ ദിവ്യബലി. തുടര്‍ന്ന്, സ്നേഹവിരുന്ന്.
