നെടുമങ്ങാട് എൽ.സി.വൈ.എം. ഫെറോന സമിതി പ്രാർത്ഥനാദിനം സംഘടിപ്പിച്ചു

സ്വന്തം ലേഖകൻ

അരുവിക്കര: യുവജനങ്ങളിലെ ആത്മീയവളർച്ച ലക്ഷ്യമിട്ട് നെടുമങ്ങാട് എൽ.സി.വൈ.എം. ഫെറോന സമിതിയുടെ ആഭിമുഖ്യത്തിൽ 21 വെള്ളിയാഴ്ച രാവിലെ 10 മണിക്ക്‌ അരുവിക്കര സെന്റ് ആഗസ്റ്റിൻ ദേവാലയത്തിൽ വച്ച് പ്രാർത്ഥനാദിനം സംഘടിപ്പിച്ചു.

മാസം തോറുമുള്ള പ്രാർത്ഥനാ കൂട്ടായ്മകളായാണ് പ്രാർത്ഥനാദിനം ക്രമീകരിച്ചിരിക്കുന്നത്. ഈ മാസത്തെ പ്രാർത്ഥനാ ദിനത്തിന്
ചുള്ളിമാനൂർ എൽ.സി.വൈ.എം. ഡയറക്ടർ റവ.ഫാ. അനൂപ് കളത്തിത്തറ വചന വിചിന്തന ക്ലാസ്സ്‌ കൈകാര്യം ചെയ്തു.

തുടർന്ന്, നടന്ന യോഗത്തിൽ അരുവിക്കര ഇടവക വികാരി റവ.ഫാ. ക്ലീറ്റസ്, നെടുമങ്ങാട് ഫെറോന എൽ.സി.വൈ.എം. ഡയറക്ടർ റവ.ഫാ. അനീഷ് ജോർജ് IVD, ഫെറോന ആനിമേറ്റർ എഫ്.മോഹനൻ, ഫെറോന പ്രസിഡന്റ്‌ ജെറിൻ മൈക്കിൾ എന്നിവർ സംസാരിച്ചു.

70-ൽ അധികം യുവജനങ്ങൾ പങ്കെടുത്ത പ്രാർത്ഥനാ ദിനം ദൈവാനുഭവത്തിലേയ്ക്ക് നയിച്ചുവെന്ന് യുവജനങ്ങൾ സാക്ഷ്യപ്പെടുത്തി.