Diocese
നിഡ്സ് സമരിറ്റന്‍ ടാസ്ക് ഫോഴ്സ്ന് നെയ്യാറ്റിന്‍കര ലത്തീന്‍ കത്തോലിക്ക രൂപത പി.പി.ഇ. കിറ്റുകള്‍ കൈമാറി
കഴിഞ്ഞ ദിവസം വരെ 90 മൃതസംസ്ക്കാര ചടങ്ങുകള്‍ക്കാണ് നേതൃത്വം നല്‍കിയത്...
സ്വന്തം ലേഖകൻ
നെയ്യാറ്റിന്‍കര: നെയ്യാറ്റിന്‍കര ഇന്റെഗ്രല്‍ ഡവലപ്മെന്റ് സൊസൈറ്റിയുടെ നേതൃത്വത്തില്‍ പ്രവര്‍ത്തിക്കുന്ന നിഡ്സ് സമരിറ്റന്‍ ടാസ്ക് ഫോഴ്സിന് നെയ്യാറ്റിന്‍കര രൂപതയുടെ നേതൃത്വത്തില്‍ പി.പി.ഇ. കിറ്റുകള്‍ കൈമാറി. നെയ്യാറ്റിന്‍കര രൂപതക്ക് വേണ്ടി രൂപതാധ്യക്ഷന്‍ ബിഷപ്പ് ഡോ.വിന്‍സെന്റ് സാമുവല്‍ പി.പി.ഇ. കിറ്റുകള്‍ നിഡ്സ് ഡയറക്ടര്‍ ഫാ.രാഹുല്‍ ബി ആന്റോക്ക് കൈമാറി.
കോവിഡ് ബാധിച്ച് മരണപ്പെടുന്ന രൂപതാംഗങ്ങളുടെ മൃതസംസ്കാര ശുശ്രൂഷ ക്രിസ്തീയ വിശ്വാസപ്രകാരം നടത്തുന്നതിന് നെയ്യാറ്റിന്‍കര രൂപതയിലെ വൈദീകര്‍ ഉള്‍പ്പെടെ വിവിധ ഇടവകകളില്‍ നിന്നും 300 ഓളം അല്‍മായര്‍ പ്രവര്‍ത്തിക്കുന്ന സന്നദ്ധ സംഘടന കഴിഞ്ഞ ദിവസം വരെ 90 മൃതസംസ്ക്കാര ചടങ്ങുകള്‍ക്കാണ് നേതൃത്വം നല്‍കിയത്.
