Kerala
നര്‍ച്ചര്‍ ഇക്കോളജി അവാര്‍ഡ് കോട്ടപ്പുറം കിഡ്സിന്
41-ാം മത് ആനുവല്‍ ജനറല്‍ ബോഡി മീറ്റിങ്ങില്‍ വെച്ച് കിഡ്സ് ഡയറക്ടര്‍ അവാര്‍ഡ് ഏറ്റുവാങ്ങി...
സ്വന്തം ലേഖകൻ
കോട്ടപ്പുറം: ഈ വർഷത്തെ ഫാ.എബ്രഹാം മുത്തോലത്ത് ഫൗണ്ടേഷന്‍ നര്‍ച്ചര്‍ ഇക്കോളജി അവാര്‍ഡ്-2022 കോട്ടപ്പുറം കിഡ്സ് കരസ്ഥമാക്കി. കേരള സോഷില്‍ സര്‍വ്വീസ് ഫോറം കോട്ടയത്തെ ആമോസ് സെന്റെറില്‍ സംഘടിപ്പിച്ച 41-ാം മത് ആനുവല്‍ ജനറല്‍ ബോഡി മീറ്റിങ്ങില്‍ വെച്ച് കിഡ്സ് ഡയറക്ടര്‍ ഫാ.പോള്‍ തോമസ് കളത്തില്‍ കെ.എസ്.എസ്.എഫ്. ചെയര്‍മാന്‍ മാര്‍ ജോസ് പുളിക്കലില്‍ നിന്നും അവാര്‍ഡ് ഏറ്റുവാങ്ങി.
കേരള കാത്തലിക് ബിഷപ്പ് കോണ്‍ഫ്രന്‍സ് ജസ്റ്റിസ്, പീസ് ആന്‍ഡ് ഡെവലപ്മെന്റിന്റെ കീഴില്‍ കേരളത്തിലെ 32 രൂപതകളുടെ പൊതുബോഡിയായ കേരള സോഷ്യല്‍ സര്‍വ്വീസ് ഫോറത്തിന്റെ ആഭിമുഖ്യത്തില്‍ പ്രകൃതി സംരക്ഷണ പ്രവര്‍ത്തനങ്ങളുടെ ഭാഗമായി നടത്തുന്ന ഫാ.എബ്രഹാം മുത്തോലത്ത് ഫൗണ്ടേഷന്റെ അവാര്‍ഡാണ് നര്‍ച്ചര്‍ ഇക്കോളജി അവാർഡ്.
