ദൈവാദസന്‍ അദെയോദാത്തൂസ് വിശ്വാസ ദീപ പ്രയാണം തുടങ്ങി
ദൈവാദസന്‍ അദെയോദാത്തൂസ് വിശ്വാസ ദീപ പ്രയാണം തുടങ്ങി
അനിൽ ജോസഫ്
തിരുവനന്തപുരം: മുതിയാവിള വലിയച്ചന്‍ എന്നറിയപ്പെടുന്ന ദൈവദാസന്‍ ഫാ.അദെയോദാത്തൂസിന്റെ ശവകുടീരത്തില്‍ നിന്നുളള വിശ്വാസ ദീപപ്രയാണം തുടങ്ങി. ഫാ.അദെയോ ദാത്തൂസിന്റെ 51- ാം ഓര്‍മ്മത്തിരുനാളിന്റെ ഭാഗമായാണ് പരിപാടി സംഘടിപ്പിച്ചിരിക്കുന്നത്.
ഫാ.അദെയോദാത്തൂസ് സേവനം ചെയ്യ്തിട്ടുളള കാട്ടാക്കട താലൂക്കിലെ വിവിധ ദേവാലയങ്ങളില്‍ പ്രയാണം ചെയ്യുന്ന ദീപശിഖ അടുത്ത ഞായറാഴ്ച വൈകിട്ട് 4 ന് വഴുതക്കാട് കാര്‍മ്മല്‍ഗിരി ആശ്രമ ദേവാലയത്തില്‍ തിരിച്ചെത്തും. വിശ്വാസ ദീപശിഖാ പ്രയാണത്തിന് മുന്നോടിയായി നടന്ന ദിവ്യബലിക്ക് കാട്ടാക്കട ഫൊറോന വികാരി ഫാ.വല്‍സലന്‍ ജോസ് മുഖ്യ കാര്‍മ്മികത്വം വഹിച്ചു. കാര്‍മ്മല്‍ഗിരി ആശ്രമം പ്രെയോര്‍ ഫാ.അഗസ്റ്റിന്‍ പുന്നോലിന്‍ വചന സന്ദേശം നല്‍കി. കാര്‍മ്മല്‍ഹില്ലിലെ മുതിര്‍ന്ന വൈദികന്‍ ഫാ.പാട്രിക് മുത്തേരിലാണ് വിശാസ ദീപശിഖ കൈമാറിയത്.
അടുത്ത ഞായറാഴ്ച നെയ്യാറ്റിന്‍കര ബിഷപ് ഡോ.വിന്‍സെന്‍റ് സാമുവല്‍ കാര്‍മ്മല്‍ ഹില്‍ ആശ്രമ ദേവാലയത്തില്‍ നടത്തുന്ന പൊന്തിഫിക്കല്‍ ദിവ്യബലിയോടെ ഒരാഴ്ച നീണ്ടു നില്‍ക്കുന്ന ചടങ്ങുകള്‍ സമാപിക്കും.
