ദൈവവിളി പ്രോത്സാഹിപ്പിക്കാന്‍ വൈദിക കൂട്ടായ്മ മദര്‍ തെരേസ ദേവാലയത്തില്‍

അനിൽ ജോസഫ്

മാറനല്ലൂര്‍: ദൈവവിളി പ്രോത്സാഹിപ്പിക്കുക എന്ന ലക്ഷ്യത്തോടെ കഴിഞ്ഞ 5 വര്‍ഷമായി നെയ്യാറ്റിന്‍കര രൂപയില്‍ പ്രവര്‍ക്കുന്ന ‘എക്സോഡസ് വൈദിക കൂട്ടായ്മ’ മേലാരിയോട് വിശുദ്ധ മദര്‍ തെരേസാ ദേവാലയത്തില്‍ എത്തി. 2010 ന് ശേഷം വൈദികരായ 28 വൈദികരുടെ കൂട്ടായ്മയാണ് കത്തോലിക്കാ സഭയിലെ വൈദികരാകുന്നതിനുളള ദൈവവിളി പരിപോഷിപ്പിക്കാനായി വ്യത്യസ്തമായ ഈ സംരഭത്തിന് ചുക്കാന്‍ പിടിക്കുന്നത്. സമര്‍പ്പിതര്‍ക്ക് വലിയ മാതൃക നല്‍കിയ വ്യക്തിയാണ് വിശുദ്ധ മദര്‍ തെരേസയെന്നും അതിനാലാണ് മദര്‍ തെരേസയുടെ പേരിലെ ലോകത്തെ ആദ്യ ദേവാലയത്തെ സംഗമ വേദിയാക്കിയതെന്നും കൂട്ടായ്മയുടെ പ്രസിഡന്‍റ് ഫാ.ഷാജി ഡി.സാവിയോ പറഞ്ഞു. സ്വാഗത നൃത്തത്തോടെയാണ് വൈദികരെ സ്വീകരിച്ചത്.

കൂട്ടായ്മയുടെ ഭാഗമായി നടന്ന സമൂഹ ദിവ്യബലിക്ക് ഫാ.ജെറിന്‍ മുഖ്യ കാര്‍മ്മികത്വം വഹിച്ചു. ഫാ.കിരണ്‍ രാജ് വചന സന്ദേശം നല്‍കി.