Kerala
ദേവാലയ സംഗീതത്തിന്‍റെ മദ്ധ്യസ്ഥയുടെ സ്മരണ ആഘോഷവുമായി ആലപ്പുഴ രൂപത
ദേവാലയ സംഗീതത്തിന്‍റെ മദ്ധ്യസ്ഥയുടെ സ്മരണ ആഘോഷവുമായി ആലപ്പുഴ രൂപത
ജോസ് മാർട്ടിൻ
ആലപ്പുഴ: ആലപ്പുഴ മൗണ്ട് കാര്‍മല്‍ കത്തീഡ്രലില്‍ ‘ദേവാലയ സംഗീതത്തിന്‍റെ മദ്ധ്യസ്ഥയായ വിശുദ്ധ സിസിലിയുടെ സ്മരണ’ സമുചിതമായി ആഘോഷിച്ചു. 22 – ന് വൈകിട്ട് ആറുമണിക്ക് നടന്ന ദിവ്യ ബലിയില്‍ ആലപ്പുഴ രൂപത സഹായ മെത്രാന്‍ ഡോ. ജെയിംസ്‌ ആനാപറമ്പില്‍ പിതാവ് കാര്‍മികത്വം വഹിച്ചു.
‘വിശുദ്ധയുടെ പാത ജീവിതത്തില്‍ ഉള്‍കൊള്ളാന്‍ ശ്രമിക്കണ’മെന്ന് ആനാപറമ്പില്‍ പിതാവ് ആഹ്വാനം ചെയ്തു. ആഘോഷമായ സമൂഹ ദിവ്യബലിയിൽ കത്തീഡ്രല്‍ വികാരി ഫാ. സ്റ്റാന്‍ലി പുളിമുട്ട്പറമ്പില്‍, സഹ വികാരി ഫാ. യേശുദാസ്‌ അറക്കല്‍, ബി.സി.സി. രൂപതാ ഡയറക്ടര്‍ ഫാ ജോയി, ഫാ. ബെര്‍ളി എന്നിവർ സഹകാർമ്മികരായി.
തുടർന്ന്, പഴയകാല ലത്തീന്‍ ക്വയർ അംഗങ്ങളെ ആദരിക്കുകയുണ്ടായി. ആലപ്പുഴ രൂപതാ സെന്‍ട്രല്‍ ക്വയർ ടീം ആണ് ആഘോഷങ്ങള്‍ക്ക് നേതൃത്വം നല്‍കിയത്.
