ജി-ഇന്ത്യ പദ്ധതിയുമായി കെ.സി.വൈ.എം. കൊച്ചി രൂപത

ജോസ് മാർട്ടിൻ

കൊച്ചി: ഇന്ത്യൻ കാത്തലിക് യൂത്ത് മൂവ്മെന്റ് പരിസ്ഥിതി സംരക്ഷണത്തിനായി ആവിഷ്കരിച്ച ജി-ഇന്ത്യ (ഗ്രീൻ ഇന്ത്യ) പദ്ധതിയോട് കെ.സി.വൈ.എം. കൊച്ചി രൂപത കൈകോർത്തു. പദ്ധതിയുടെ രൂപതാതല ഉദ്ഘാടനത്തിന്റെ ഭാഗമായി ICYM അദ്ധ്യക്ഷൻ അഡ്വ.ആന്റെണി ജൂഡി ജി- ഇന്ത്യ ലോഗോ കൊച്ചി രൂപത പ്രസിഡന്റ് കാസി പൂപ്പനയ്ക്ക് കൈമാറി.

നടീൽ, സംരക്ഷണം, അവബോധം എന്നീ മൂന്ന് മേഖലകളിൽ ശ്രദ്ധ കേന്ദ്രീകരിക്കുന്ന ഈ പദ്ധതിയിലൂടെ യുവ സന്നദ്ധ പ്രവർത്തകരുടെയും പ്രാദേശിക കമ്മ്യൂണിറ്റികളുടെയും അഭ്യുദയകാംക്ഷികളുടെയും പിന്തുണയോടെയുള്ള പരിസ്ഥിതി സംരക്ഷണമാണ് ലക്ഷ്യമിടുന്നത്.

കെ.സി.വൈ.എം സംസ്ഥാന സെക്രട്ടറി സ്മിത ആന്റെണി, രൂപത ജനറൽ സെക്രട്ടറി ജെയ്ജിൻ ജോയ്, രൂപത വൈസ് പ്രസിഡന്റ്‌ ഡാനിയ ആന്റെണി, അംഗം ജോസഫ് ആശിഷ് മറ്റു എക്സിക്യൂട്ടീവ് അംഗങ്ങൾ എന്നിവർ സന്നിഹിതരായിരുന്നു.