ചൊവല്ലൂർപൊറ്റ വാഴ്ത്തപ്പെട്ട ദേവസഹായംപിള്ള ദേവാലയ വികസന പദ്ധതിയ്ക്ക് KLCWA യുടെ പങ്കാളിത്തം

അനിൽ ജോസഫ്

പാറശാല: നെയ്യാറ്റിൻകര രൂപതയിലെ ചൊവല്ലൂർപൊറ്റ വാഴ്ത്തപ്പെട്ട ദേവസഹായംപിള്ള ദേവാലയ വികസന പദ്ധതിയ്ക്ക് KLCWA യുടെ പങ്കാളിത്തം. പദ്ധതിയുടെ വിജയത്തിനായി ഇടവകയിലെ വനിതാ സംഘടനയായ കെ.എൽ.സി.ഡബ്ല്യൂ.എ.യുടെ നേതൃത്വത്തിൽ നൽകുന്ന 51000/- രൂപയുടെ ആദ്യഗഡു KLCWA പ്രസിഡന്റ് ശ്രീമതി ലത ഇടവക വികാരി ഫാ.ജോസഫ് അനിലിന് കൈമാറി.

നെയ്യാറ്റിൻകര രൂപതയിലെ കെ.എൽ.സി.ഡബ്ല്യൂ.എ.യുടെ പ്രവർത്തനങ്ങളെ KLCWA സംസ്ഥാന സമിതി എന്നും പ്രശംസിച്ചിട്ടേ ഉള്ളൂ. രൂപതയിലെ വിവിധ ഇടവകകളിൽ ഇടവകയുടെ വിവിധ മേഖലകളുടെ വികസനത്തിനായി KLCWA വഹിക്കുന്ന പങ്ക് വളരെ വലുതാണ്. പാറശാല ഫെറോനയിലെ ആറയൂർ ഇടവകയുടെ കീഴിലുള്ള ചൊവല്ലൂർപൊറ്റ വാഴ്ത്തപ്പെട്ട ദേവസഹായംപിള്ള ദേവാലയത്തിലെ കെ.എൽ.സി.ഡബ്ല്യൂ.എ. യൂണിറ്റ് ശ്രീമതി ലത (പ്രസിഡന്റ്‌), ശ്രീമതി രജനി (സെക്രട്ടറി), ശ്രീമതി ജൂലിയറ്റ് (എക്സിക്യൂട്ടീവ് മെമ്പർ) എന്നിവരുടെ നേതൃത്വത്തിൽ ഇടവകയുടെ സമഗ്രവളർച്ചയ്ക്കായി നടത്തുന്ന പ്രവർത്തനങ്ങളിൽ വഹിക്കുന്ന പങ്കാളിത്തം പ്രശംസനീയവും മാതൃകാപരവുമാണെന്ന് ഇടവക വികാരി പറഞ്ഞു.