ചാനല്‍ ബഹിഷ്‌കരണ പ്രതിജ്ഞ നടത്തി പുത്തൻ മാതൃകയുമായി മാതൃ-പിതൃവേദി
ചാനലുകള്‍ തെറ്റ് തിരുത്തുംവരെ ബഹിഷ്‌ക്കരിക്കും...
ജോസ് മാർട്ടിൻ
പുന്നപ്ര: ക്രൈസ്തവ മത വിശ്വാസങ്ങള്‍ക്കും ആചാരഅനുഷ്ഠാനങ്ങള്‍ക്കും എതിരേ വര്‍ദ്ധിച്ചുവരുന്ന വാര്‍ത്താ ചാനല്‍ നടപടികളില്‍ പ്രതിഷേധിച്ചും എഷ്യാനെറ്റ് ന്യൂസ്, വാര്‍ത്ത 24 ചാനല്‍ എന്നിവയുടെ അതിരുകവിഞ്ഞ സഭാ അവഹേളനങ്ങളില്‍ അമര്‍ഷം രേഖപ്പെടുത്തിയും മാതൃ-പിതൃവേദി ചങ്ങനാശേരി അതിരൂപതായിലെ ആലപ്പുഴ ഫൊറോന പ്രതിഷേധയോഗം സംഘടിപ്പിച്ചു.
പുന്നപ്ര സെന്റ് ഗ്രിഗോറിയോസ് ഓഡിറ്റോറിയത്തില്‍ ചേര്‍ന്ന യോഗത്തില്‍ റോയി പി.വേലിക്കെട്ടില്‍ അദ്ധ്യക്ഷത വഹിച്ചു. ഫാ.റ്റിജോ പുത്തന്‍പറമ്പില്‍ ഉദ്ഘാടനം ചെയ്തു. ബേബി പാറക്കാടന്‍ പ്രതിഷേധ പ്രതിജ്ഞ ചൊല്ലിക്കൊടുത്തു.
വസ്തുതകള്‍ മനസിലാക്കാതെ സമൂഹത്തില്‍ തെറ്റിദ്ധാരണ പരത്തുന്ന ചാനല്‍ സംസ്‌കാരത്തിനെതിരേ ഒന്നായി അണി നിരക്കുമെന്നും, ചാനലുകള്‍ തെറ്റ് തിരുത്തുംവരെ ബഹിഷ്‌ക്കരിക്കുമെന്നും ഫാ.റ്റിജോ പുത്തന്‍പറമ്പില്‍ പറഞ്ഞു.
ഫാ.തോമസ് താന്നിയത്ത്, ഫാ.ബിജോയ് അറക്കല്‍, ലാലി ഇളപ്പുങ്കല്‍, ചെറിയാന്‍ നെല്ലുവേലി, മായാ ജോയി, ഡയാനാ പി.ജോയിക്കുട്ടി, ഡി. തോമസ് കുറ്റേല്‍, കെ.വി.ജോണ്‍ ബോസ്‌കോ, രാജു ജോസഫ്, തോമസ് ജോസഫ്, അന്നമ്മ ജെയ്‌സണ്‍, റാണി രാജീവ്, നിഷ ലെസ്ലി, പ്രജുഷ മാത്യു, അല്ലി ജോസഫ് എന്നിവര്‍ സംസാരിച്ചു.
