ക്രിസ്തീയ മൂല്യങ്ങള്‍ കാത്ത് സൂക്ഷിക്കാന്‍ യുവജനങ്ങള്‍ പ്രതിജ്ഞാബദ്ധര്‍; മോണ്‍.റൂഫസ് പയസലീന്‍
ക്രിസ്തീയ മൂല്യങ്ങള്‍ കാത്ത് സൂക്ഷിക്കാന്‍ യുവജനങ്ങള്‍ പ്രതിജ്ഞാബദ്ധര്‍; മോണ്‍.റൂഫസ് പയസലീന്‍
രജ്ഞിത് ജെ. പി.
ആര്യനാട്: ക്രിസ്തീയ മൂല്യങ്ങള്‍ സംരക്ഷിക്കാനും കാത്ത് സൂക്ഷിക്കാനും യുവജനങ്ങള്‍ പ്രതിജ്ഞാ ബദ്ധരാണെന്ന് നെയ്യാറ്റിന്‍കര ലത്തീന്‍ രൂപതയിലെ നെടുമങ്ങാട് റീജിയന്‍ കോ-ഓർഡിനേറ്റര്‍ മോണ്‍.റൂഫസ് പയസലീന്‍. കെ.സി.വൈ.എം. ന്‍റെ നാല്‍പ്പതാമത് ജന്‍മദിനാഘോഷവും ക്രിസ്മസ് ആഘോഷവും ഉദ്ഘാടനം ചെയ്യുകയായിരുന്നു അദ്ദേഹം.
ആഘോഷങ്ങളില്‍ മതിമറക്കുന്ന യുവത്വത്തിന്‍റെ പുറകെയല്ല നാം പോകേണ്ടതെന്നും വിശ്വാസ സംരക്ഷണത്തിനും അപരന്‍റെ വേദനയില്‍ പങ്കുചേരുന്നവരോടൊപ്പവുമാകണം യുവജനങ്ങളെന്നും അദ്ദേഹം ഓര്‍മ്മിപ്പിച്ചു. ക്രിസ്മസ് ആഷോഷങ്ങളുടെ ഭാഗമായി എല്‍.സി.വൈ.എം. ആര്യനാട് ഫൊറോന ഡയറക്ടര്‍ ഫാ.അജീഷിനും യുവജനങ്ങള്‍ക്കുമൊപ്പം കേക്ക് മുറിച്ച് ക്രിസ്മസ് ആഘോഷവും നടന്നു.
എല്‍.സി.വൈ.എം. ആര്യനാട് ഫൊറോന പ്രസിഡന്‍റ് റിജുവര്‍ഗ്ഗീസ് അധ്യക്ഷത വഹിച്ചു. ആര്യനാട് സെക്രട്ടറി ആന്‍സി എം., എല്‍.സി.വൈ.എം. മുന്‍ രൂപത പ്രസിഡന്‍റ് മുതിയാവിള ഷിബു, എല്‍.സി.വൈ.എം. രൂപത വൈസ് പ്രസിഡന്‍റ് മനോഷ്, ആനിമേറ്റര്‍ ഷൈനി, എല്‍.സി.വൈ.എം. ഭാരവാഹികളായ സോണ, ശാലിനി, റെജിന്‍ തുടങ്ങിയവര്‍ പ്രസംഗിച്ചു.
