കട്ടയ്ക്കോട്: നെയ്യാറ്റിൻകര രൂപതയിലെ കട്ടയ്ക്കോട് ഫൊറോനയ്ക്ക് കീഴിലെ കെല്ലോട്‌ സെന്റ്‌ ജോസഫ് ദേവാലയത്തിന്‌ സമീപത്ത്‌ പണികഴിപ്പിച്ച വൈദികഭവനം ആശീർവദിച്ചു. ആശീർവാദ കർമ്മങ്ങൾക്ക്‌ ബിഷപ് ഡോ. വിൻസെന്റ്‌ സാമുവൽ മുഖ്യകാർമ്മികത്വം വഹിച്ചു.
വൈദിക ഭവനം പണിപൂർത്തിയാക്കുവാൻ മുൻകൈ എടുത്ത ഇടവക വികാരി ഫാ. അജി അലോഷ്യസിനും, ഇതിന്റെ പൂർത്തികരണത്തിനായി അഹോരാത്രം ഇടവക വികാരിയോടൊപ്പം പ്രവർത്തിക്കുകയും ആവശ്യമായ സഹായസഹകരണങ്ങളോടെ ഇടവക വികാരിയോടൊപ്പം പ്രവർത്തിച്ച ഇടവക കൗൺസിലിന്റെയും മുഴുവൻ ഇടവക അംഗങ്ങളെയും അഭിവന്ദ്യ പിതാവ് പ്രശംസിക്കുകയും അവർക്ക് ഏവർക്കും ദൈവാനുഗ്രഹം ആശംസിക്കുകയും ചെയ്തു.
കട്ടയ്ക്കോട് ഫൊറോന വികാരി ഫാ. റോബർട്ട്‌ വിൻസെന്റ്‌ ഇടവക വികാരി ഫാ. അജി അലോഷ്യസ്‌, ഫാ. രാജേഷ്‌ കുറിച്ചിയിൽ, ഫാ. ഷൈജു തുടങ്ങിയവർ പങ്കെടുത്തു.
