കെ.സി.വൈ.എം. രൂപതാതല ഫുട്‌ബോൾ ടൂർണമെന്റ് ”ഗോൾ 2019” ൽ പള്ളിത്തോട് യൂണിറ്റ് ജേതാക്കൾ

ജോസ് മാർട്ടിൻ

ആലപ്പുഴ: കഴിഞ്ഞ 2 ദിവസമായി പൊള്ളേത്തൈ സ്കൂൾ ഗ്രൗണ്ടിൽ നടന്നു വരുന്ന ”ഗോൾ 2019′ കെ.സി.വൈ.എം. രൂപതതല ഫുട്‌ബോൾ ടൂർണമെന്റിൽ പള്ളിത്തോട് യൂണിറ്റ് ജേതാക്കളായി. വെട്ടയ്ക്കൽ യൂണിറ്റ് രണ്ടാം സ്ഥാനം കരസ്ഥമാക്കി. ടൂർണമെന്റിന്റെ താരം വെട്ടയ്ക്കൽ ടീമംഗം ഷെറിൻ, മികച്ച ഗോളി സുഭാഷ്.

ഒന്നാം സ്ഥാനം കരസ്ഥമാക്കിയ ടീമിന് യൂജിൻ തേറാത്ത് സ്പോൺസർ ചെയ്ത ക്യാഷ് അവാർഡും ഏവറോളിംഗ് ട്രോഫിയും സെന്റ്.ജോസഫ് പബ്ലിക് സ്കൂൾ പ്രിൻസിപ്പൽ സി.സീമ കൈമാറി. രണ്ടാം സ്ഥാനക്കാർക്കായുള്ള ക്യാഷ് അവാർഡും ഏവറോളിംഗ് ട്രോഫിയും കെ.സി.വൈ.എം. ആലപ്പുഴ രൂപത ഡയറക്ടർ ഫാ.സെബാസ്റ്റ്യൻ പുന്നയ്ക്കൽ നൽകി.

പ്രോഗ്രാമിന് കോഡിനേറ്റർ അഡ്രിൻ ജോസഫ് നേതൃത്വം നൽകി. രൂപത സമിതി അംഗങ്ങളയാ കെവിൻ ജൂഡ്,ജെസ്‌ലാ പീറ്റർ,ടോം ചെറിയാൻ,നവീൻ,വർഗീസ്,പീറ്റർ പ്രശോബ്, മെബിൻ, പള്ളോട്ടി യൂണിറ്റ് അംഗങ്ങൾ എന്നിവർ നേതൃത്വം നൽകി.