കെ.സി.വൈ.എം. താവളം ഫെറോനയുടെ നേതൃത്വത്തിൽ ഏകദിന ഉപവാസ സമരം നടത്തി

ജോസ് മാർട്ടിൻ

പാലക്കാട്‌ /അട്ടപ്പാടി: പാലക്കാട് ജില്ലയിലെ പതിമൂന്ന് വില്ലേജുകളെ എക്കോ സെൻസിറ്റീവ് സോണായി പ്രഖ്യാപിക്കുന്നതിനെതിരെ അട്ടപ്പാടിയിലെ അഗളിയിൽ ഏകദിന ഉപവാസ സമരം സംഘടിപ്പിച്ചു. ജനവാസ-കാർഷിക മേഖലകളെ ESZ-ൽ നിന്ന് ഒഴിവാക്കുക, ESZ-പരിധി വനാതിർത്തിയിൽ അവസാനിപ്പിക്കുക തുടങ്ങിയ ആവശ്യങ്ങൾ മുന്നോട്ട് വെച്ചായിരുന്നു ഉപവാസ സമരം.

സമരത്തിന് അഡ്വ.ഷംസുദീൻ എം.എൽ.എ. ആശംസകളറിയിച്ചു, പ്രസിഡന്റ് സനോജ് നെല്ലിക്കാമലയുടെ സാന്നിധ്യയത്തിൽ, രൂപതാ ജനറൽ സെക്രട്ടറി ഷാലിൻ ജോസഫ് ഉദ്ഘാടനവും, കെസിവൈഎം താവളം ഫൊറോന സമിതി ഡയറക്റ്റർ ഫാ.ബിജു കല്ലിങ്കൽ, കെ.സി.വൈ.എം. പാലക്കാട് രൂപത സെക്രട്ടറി ജേക്കബ് പീറ്റർ തുടങ്ങിയവർ ആശംസകളും അർപ്പിച്ചു.