കെ.സി.വൈ.എം. കൊല്ലം രൂപത വനിതകൾക്കായി സെമിനാർ സംഘടിപ്പിച്ചു; ഗൂഢലക്ഷ്യങ്ങളോട് കൂടിയ പ്രണയ ബന്ധങ്ങൾക്ക് എതിരെ ജാഗരൂകരാകുക

ബിബിൻ ജോസഫ്

കൊല്ലം : സമൂഹത്തിൽ വ്യാപകമായികൊണ്ടിരിക്കുന്ന ‘ഗൂഢലക്ഷ്യങ്ങളോട് കൂടിയ പ്രണയ ബന്ധങ്ങൾക്ക് എതിരെ യുവതികളെ ജാഗരൂകരാക്കുക’ എന്ന ലക്ഷ്യത്തോടെ കെ.സി.വൈ.എം. കൊല്ലം രൂപതാ സമിതിയുടെ ആഭിമുഖ്യത്തിൽ കൊല്ലം QSSS ഹാളിൽ വച്ച് വനിതകൾക്കായി സെമിനാർ സംഘടിപ്പിച്ചു. ബ്രദർ അലി ഫിലിപ്പ് നയിച്ച സെമിനാർ കെ.സി.വൈ.എം. കൊല്ലം രൂപതാ ഡയറക്ടർ ഫാ.ഷാജൻ ഉത്‌ഘാടനം ചെയ്തു.

പ്രണയബന്ധങ്ങളിലൂടെ ചതിക്കുഴിയിൽ അകപ്പെടുന്ന സ്ത്രീകൾ വർധിച്ചു വരുന്ന ഈ കാലഘട്ടത്തിൽ അതിനെ ഫലപ്രദമായി ചെറുക്കുവാനും, സത്വരമായ ഇടപെടൽ നടത്തുവാനും വനിതകളെ പ്രാപ്തമാക്കും വിധത്തിൽ വനിതകൾക്ക് അവബോധം സൃഷ്ടിക്കാനുള്ള എല്ലാ ശ്രമങ്ങളും നടത്തണമെന്ന് സെമിനാറിൽ പങ്കെടുത്ത രൂപതയിലെ യുവതികൾ, സന്യസ്തർ, അധ്യാപകർ തുടങ്ങിയവർ അഭിപ്രായപ്പെട്ടു.

കെ.സി.വൈ.എം. കൊല്ലം രൂപതാ പ്രസിഡന്റ്‌ എഡ്‌വേഡ്‌ രാജു, ജനറൽ സെക്രട്ടറി വിപിൻ ക്രിസ്റ്റി, സിസ്റ്റർ ആനിമേറ്റർ സി.മേരി രജനി CCR, കെ.സി.വൈ.എം. സംസ്ഥാന വൈസ് പ്രസിഡന്റ്‌ കുമാരി ഡെലിൻ ഡേവിഡ്, രൂപതാ സമിതി അംഗങ്ങളായ ജോസ്ന, നിതിൻ രാജു, മനീഷ് മാത്യു, നിധിൻ എഡ്‌വേഡ്‌ തുടങ്ങിയവർ സംസാരിച്ചു.