Kerala
കെ.സി.വൈ.എം. കൊച്ചി രൂപതയുടെ കലോത്സവം ‘ഫെസ്റ്റാ 2020’ ന് തുടക്കമായി
ഒക്ടോബർ 25 മുതൽ നവംബർ 15 വരെ ഓൺലൈനിലൂടെയാണ് കലോത്സവ മത്സരങ്ങൾ സംഘടിപ്പിച്ചിരിക്കുന്നത്...
ജോസ് മാർട്ടിൻ
കൊച്ചി: കൊച്ചി രൂപതയിലെ ഇടവകകളിൽ നിന്നുള്ള യുവജനങ്ങളെ പങ്കെടുപ്പിച്ചു കൊണ്ട് നടത്തപ്പെടുന്ന കെ.സി.വൈ.എം. കൊച്ചി രൂപതാ കലോത്സവം ‘Festa 2020’-ന് തുടക്കമായി. കെ.സി.വൈ.എം. സംസ്ഥാന പ്രസിഡന്റ് ബിജോ പി. ബാബു ഫോർട്ടുകൊച്ചി വാസ്കോഡ ഗാമ സ്ക്വയറിൽ വെച്ച് ഉദ്ഘാടന കർമ്മം നിർവഹിച്ചു.
2020 ഒക്ടോബർ 25 മുതൽ നവംബർ 15 വരെ ഓൺലൈനിലൂടെയാണ് കലോത്സവ മത്സരങ്ങൾ സംഘടിപ്പിച്ചിരിക്കുന്നത്. കെ.സി.വൈ.എം.കൊച്ചി രൂപതാ പ്രസിഡന്റ് ജോസ് പള്ളിപ്പാടൻ അധ്യക്ഷതവഹിച്ചു. രൂപത ഡയറക്ടർ ഫാ. മെൽറ്റസ് കൊല്ലശ്ശേരി ആമുഖപ്രഭാഷണം നടത്തി.
കെ.സി.വൈ.എം. സംസ്ഥാന ജനറൽ സെക്രട്ടറി ക്രിസ്റ്റി ചക്കാലക്കൽ, കെ.സി.വൈ.എം. ലാറ്റിൻ ജനറൽ സെക്രട്ടറി ആന്റണി അൻസിൽ, രൂപത സെക്രട്ടറി ജനറൽ സെക്രട്ടറി കാസി പൂപ്പന, പ്രോഗ്രാം കൺവീനർ ജയ്ജിൻ ജോയ്, ജോയിന്റ് കൺവീനർ ഡാൽവിൻ ഡിസിൽവ എന്നിവർ പ്രസംഗിച്ചു.
