കെ.ആർ.എൽ.സി.സി. സിവിൽ സർവ്വീസ്‌ ഗ്രൂമിങ്ങിൽ 5 പേർക്ക്‌ സെലക്‌ഷൻ

സ്വന്തം ലേഖകന്‍

നെയ്യാറ്റിൻകര: കെ.ആർ. എൽ.സി.സി.യുടെ നേതൃത്വത്തിൽ നടത്തപ്പെടുന്ന സിവിൽ സർവ്വീസ്‌ ഗ്രൂമിങ്ങിൽ നെയ്യാറ്റിൻകര രൂപതയിൽ നിന്നും 5 വിദ്യാർത്ഥികൾ തെരെഞ്ഞെടുക്കപ്പെട്ടു.കെ.ആർ.എൽ.സി.സി. യുടെ ചോദ്യാവലിയിൽ രൂപതാ തലത്തിൽ നടത്തിയ പരീക്ഷയിൽ വിജയിച്ച 18 വിദ്യാർത്ഥികളിൽ നിന്നും തെരെഞ്ഞെടുത്ത 8 വിദ്യാരത്ഥികൾക്ക്‌ വീണ്ടും പരീക്ഷനടത്തിയാണ്‌ 5 പേരെ തെരെഞ്ഞെടുത്തത്‌.

ഉദിയൻകുളങ്ങര ഇടവകയിൽ നിന്ന്‌ ലിബ, വിഴവൂരിൽ നിന്ന്‌ പ്രിൻസ്‌, കാരക്കോണത്തുനിന്ന്‌ ഷെറിൻ, വിതുരയിൽ നിന്ന്‌ അഖിൽ, ചെമ്പൂര്‍ നിന്ന്‌ ബെറ്റി മരിയ എന്നിവരാണ്‌ തെരെഞ്ഞെടുക്കപ്പെട്ടത്‌.

തെരെഞ്ഞെടുക്കപ്പെട്ട വിദ്യാർത്ഥികളെയും മാതാ പിതാക്കളെയും രൂപതാ വികാരി ജനറൽ മോൺ. ജി. ക്രിസ്‌തുദാസിന്റെയും വിദ്യാഭ്യാസ കമ്മിഷൻ ഡയറക്‌ടർ ഫാ. ജോണി കെ. ലോറൻസിന്റെയും നേതൃത്വത്തിൽ അഭിനന്ദിക്കുകയും വിജയാശംസകൾ നേരുകയും ചെയ്തു.