കെഎല്‍.സി.എ.സുവര്‍ണ്ണ ജൂബിലി ആന്തം പുറത്തിറങ്ങി
2022 മാര്‍ച്ച് 27 ന് എറണാകളം ടൗണ്‍ ഹാളിലാണ് ജൂബിലി ഉദ്ഘാന സമ്മേളനം നടക്കുന്നത്.
സ്വന്തം ലേഖകന്‍
കൊച്ചി : കെ എല്‍ സി എ (കേരള ലാറ്റിന്‍ കാത്തലിക് അസോസ്സിയേഷന്‍)യുടെ സുവര്‍ണ്ണ ജൂബിലി ആഘോഷങ്ങള്‍ക്ക് മുന്നോടിയായി സുവര്‍ണ്ണ ജൂബിലി ആന്തം പുറത്തിറങ്ങി.
ആന്തത്തിന്‍റെ പ്രകാശന കര്‍മ്മം ആലപ്പുഴ ബിഷപ്പ് ഡോ. ജെയിംസ് ആനാപറമ്പില്‍ നിര്‍വ്വഹിച്ചു. കെഎല്‍സിഎ ലത്തീന്‍ സമുദായത്തിന്‍റെ ചാലകശക്തിയാണെന്ന് ബിഷപ്പ് ജെംയിസ് ആനാപറമ്പില്‍ പറഞ്ഞു.
പാലാരിവട്ടം പിഓസിയിലാണ് പ്രകാശന കര്‍മ്മം നടന്നത്. ഷൈജു കേളന്തറ രചിച്ച് ജോണ്‍സന്‍ മങ്ങഴ സംഗീത സംവിധാനം നിര്‍വ്വഹിച്ച ഗാനം പ്രശസ്ത ഗായകന്‍ കെസ്റ്ററാണ് ആലപിച്ചിരിക്കുന്നത്. ആന്തത്തിന്‍റെ സിഡി ബിഷപ്പ് ജെയിംസ് ആനാപറമ്പില്‍ കെ.എല്‍.സി.എ. മുന്‍ പ്രസിഡന്‍റും സമുദായ വക്താവുമായിരുന്ന ഷാജി ജോര്‍ജ്ജിനു നല്‍കി പ്രകാശനം ചെയ്തു.
സംസ്ഥാന ജനറല്‍ സെക്രട്ടറി അഡ്വ.ഷെറി ജെ.തോമസ് , വൈസ് പ്രസിഡന്‍റ് ടി.എ. ഡാല്‍ ഫിന്‍, സെക്രട്ടറി ബിജു ജോസി, വരാപ്പുഴ രൂപത പ്രസിഡന്‍റ് സിജെ പോള്‍, റോയി പാളയത്തില്‍, വിന്‍സ് പെരിഞ്ചേരി, ലൂയിസ് തണ്ണിക്കോട്ട്, പൗലോസ്, പിഎം .ബഞ്ചമിന്‍, ബാബു ആന്‍റണി എന്നിവര്‍ പ്രസംഗിച്ചു.
2022 മാര്‍ച്ച് 27 ന് എറണാകളം ടൗണ്‍ ഹാളിലാണ് ജൂബിലി ഉദ്ഘാന സമ്മേളനം നടക്കുന്നത്.
