കൊച്ചി : കേരള റീജൻ ലാറ്റിൻ കാത്തലിക് കൗൺസിലിന്റെ (കെആർഎൽസിസി) 2017ലെ പുരസ്ക്കാര സമർപ്പണം നാളെ ടൗൺഹാളിൽ നടക്കുമെന്നു കോട്ടപ്പുറം രൂപത വികാരി ജനറൽ ഫാ. സെബാസ്റ്റ്യൻ ജെക്കോബി അറിയിച്ചു. നാലിനു സമ്മേളനം മന്ത്രി മാത്യു ടി. തോമസ് ഉദ്ഘാടനം ചെയ്യും. ബിഷപ് ഡോ. ജോസഫ് കാരിക്കശേരി അധ്യക്ഷനാകും. കെആർഎൽസിസി പ്രസിഡന്റ് ആർച് ബിഷപ് ഡോ. എം. സൂസപാക്യം പുരസ്ക്കാരങ്ങൾ നൽകും.
ഗുരുശ്രേഷ്ഠ പുരസ്കാരത്തിനു നെൽസൺ ഫെർണാണ്ടസും ഫാ. ജസ്റ്റിൻ പനക്കലും അർഹരായി. മറ്റു പുരസ്കാരങ്ങൾ, അവരുടെ രൂപതകൾ: കലാപ്രതിഭ അവാർഡ്–ലാൽ (എം.പി. മൈക്കിൾ, വരാപ്പുഴ), കായിക അവാർഡ് – പി.എ. റാഫേൽ (കോട്ടപ്പുറം), മാധ്യമ അവാർഡ്–ഡയാന സിൽവസ്റ്റർ (കൊച്ചി), സാഹിത്യ അവാർഡ്–ജോസഫ് വൈറ്റില (വരാപ്പുഴ), വൈജ്ഞാനിക സാഹിത്യ അവാർഡ്–ഫാ. ബോബി ജോസ് കട്ടിക്കാട്ട്, സംരംഭക അവാർഡ്–ടി.എ. ജോസഫ് (കൊച്ചി), സമൂഹനിർമിതി അവാർഡ്–കെ.എസ്. ജയമോഹനൻ (കണ്ണൂർ), വിദ്യാഭ്യാസ, ശാസ്ത്ര അവാർഡ് – ഫാ. സേവ്യർ കുടിയാംശേരി (ആലപ്പുഴ), യുവത അവാർഡ്–ലിസ്ബ ജോൺസൺ (തിരുവനന്തപുരം).
