കല്ലാമം സെന്‍റ് പോള്‍സ് ദേവാലയ തിരുനാളിന് കൊടിയേറി
കല്ലാമം സെന്‍റ് പോള്‍സ് ദേവാലയ തിരുനാളിന് കൊടിയേറി
സജു കല്ലാമം
കാട്ടാക്കട: കല്ലാമം സെന്‍റ് പോള്‍സ് ദേവാലയ തിരുനാളിന് കൊടിയേറി. 26 ന് സമാപിക്കും. ഇടവക വികാരി ഫാ.ഡെന്നിസ്മണ്ണൂര്‍ കൊടിയേറ്റി തിരുനാളിന് തുടക്കം കുറിച്ചു.
കല്ലാമം സെന്‍റ് ജോര്‍ജ്ജ് കുരിശടിയില്‍ നിന്ന് ആരംഭിച്ച പതാക പ്രയാണത്തില്‍ വിശ്വാസികള്‍ പങ്കെടുത്തു. നെയ്യാറ്റിന്‍കര രൂപത ശുശ്രൂഷ കോ ഓഡിന്‍േറ്റര്‍ മോണ്‍.വി പി ജോസ് തിരുനാള്‍ ആരംഭ ദിവ്യബലിക്ക് മുഖ്യ കാര്‍മ്മികത്വം വഹിച്ചു.
തിരുനാള്‍ ദിനങ്ങളില്‍ എല്ലാ ദിവസവും വൈകിട്ട് 5 മുതല്‍ ബൈബിള്‍ പാരായണം, നൊവേന ലിറ്റിനി ദിവ്യബലി എന്നിവ ഉണ്ടാവും.കുടുംബ നവികരണധ്യാനത്തിന് ഫാ.സി ടി രാജ് നേതൃത്വം നല്‍കും.
ശനിയാഴ്ച ദിവ്യബലിയെ തുടര്‍ന്ന് ആഘോഷമായ ദിവ്യകാരുണ്യ പ്രദക്ഷിണം നടക്കും. തിരുനാള്‍ സമാപന ദിനമായ 26 ന് രാവിലെ 10 ന് നെയ്യാറ്റിന്‍കര രൂപത വികാരി ജനറല്‍ മോണ്‍.ജി.ക്രിസ്തുദാസ് മുഖ്യ കാര്‍മ്മികത്വം വഹിക്കും. കെആര്‍എല്‍സിസി അല്‍മായ കമ്മിഷന്‍ സെക്രട്ടറി ഫാ.ഷാജ്കുമാര്‍ വചനം പങ്കുവെയ്ക്കും. തുടര്‍ന്ന് സ്നേഹ വിരുന്ന്.
