കര്‍ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവ പുതിയ കെ.സി.ബി.സി. പ്രസിഡന്റ്

ജോസ് മാർട്ടിൻ

കൊച്ചി: സീറോ മലങ്കര സഭ മേജര്‍ ആര്‍ച്ച്ബിഷപ് കര്‍ദ്ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവയെ കെ.സി.ബി.സി. പ്രസിഡന്റായും, ഇരിങ്ങാലക്കുട രൂപതാധ്യക്ഷന്‍ ബിഷപ്പ് ഡോ.പോളി കണ്ണൂക്കാടനെ വൈസ് പ്രസിഡന്റായും, കണ്ണൂര്‍ രൂപാതാധ്യക്ഷന്‍ ബിഷപ്പ് ഡോ.അലക്‌സ് വടക്കുംതല സെക്രട്ടറി ജനറലായും തെരഞ്ഞെടുക്കപ്പെട്ടു.

പാലാരിവട്ടം പി.ഓ.സി.യില്‍ നടന്നുവന്ന കേരള കത്തോലിക്കാ മെത്രാന്‍ സമിതിയുടെ ശീതകാലസമ്മേളനത്തിൽ വച്ചാണ് പുതിയ ഭാരവാഹികളെ തെരഞ്ഞെടുത്തത്. മൂന്ന് വർഷമാണ് കാലാവധി.